ASNN – Basketbolli shqiptar tashmë është gati për sezonin e ri, i cili do të nisë të premten e ardhshme. Meqë Vllaznia, si kampione në fuqi e koshit të meshkujve, është pjesëmarrëse në Ligën Ballkanike, e cila nis të martën, atëherë nga kryesia e Federatës Shqiptare të Basketbollit ishte vendosur që sido të binte shorti, kuqeblutë ndeshjen e tyre të parë do ta luanin në “Qazim Dervishi”.

Sepse duket se nuk ka mjaftuar prova ndaj Bashkimit të Prizrenit, një ndeshje të cilën kuqeblutë e Bledar Gjeçajt e kanë fituar vetëm me një pikë diferencë, 75-74. Mirëpo tërheqja e goglës nga anëtari i kryesisë së basketbollit shqiptar për Vllazninë, Ilir Taflaj, nuk ka pasur nevojë për lëvizje në kalendar, sepse shkodranët do të jenë pritës në ditën e parë të kampionatit.

Të 3 kampionatet do të luhen me dy faza, atje ku katër të parat do të bëjnë më pas “play-off” për titull “kampion”. Kurse tek meshkujt, e gjashta bie direkt në Kategorinë e Parë dhe zëvendësohet me të parën, ndërsa e pesta bën “Play-out” me të dytën e Kategorisë së Parë.

Përveç konfirmimit të pjesëmarrjes në Kampionatet Evropiane të moshave Nën-16-vjeç (meshkuj / femra), Nën-18-vjeç (meshkuj / femra) dhe Nën-20 meshkuj, Pak ditë më parë Kryesia e Federatës Shqiptare të Basketbollit mori vendim gjithashtu që Apolonia për të rritur të futet në Superligë sipas renditjes së kampionatit të kaluar pas konfirmimit të largimit të UAT-së, si dhe katër ekipet e mbetura të luajnë me sistem vajtje-ardhje për çdo fazë.

Ndër vendimet e tjera të marra ishin si vijon: Të ndryshohet neni 4.3 dhe 4.4 i rregullores në lidhje me përcaktimin e numrit të lejuar më i madh se 9; të lejohen lojtarë Nën-18-vjeçarë të luajnë në më shumë se një ekip brenda së njëjtës shoqatë dhe të licencohen me licencat përkatëse kundrejt tarifës së dyfishuar të parashikuar në nenin 19.f. Tashmë koshi është gati në parket, kurse Vllaznia të martën në Prishtinë në ora 18:00 do të ketë ndeshjen e saj të parë ndaj Sigal Prishtinës për Ligën Ballkanike.

Kampionatit Kombëtar

i Basketbollit – Meshkuj

Superliga

Java e parë

(17 tetor 2014)

Tirana – Flamurtari

Vllaznia – Apolonia

Kamza Basket – Partizani

Kampionatit Kombëtar

i Basketbollit – Meshkuj

Kategoria e Parë

Java e parë

(24 tetor 2014)

Elbasani – Teuta

Studenti – Skënderbeu