ASNN – Kampionia i Kosovës, SIGAL Prishtina, ka pësuar humbjen e 6-të në këto 8 ndeshje që ka zhvilluar deri më tani në Ligën Ballkanike dhe ishte Kozhuvi i Maqedonisë që i mposhti thellë “Plisat” në kryeqytet, me rezultatin 65-92.

Maqedonasit, që tashmë e kanë një shans më të madh për më tej, e kanë fituar pjesën e parë 27-17. Janë kundërpërgjigjur vendësit në të dytën 23-17, por, në pushim, në epërsi është Kozhuvi, 44-40.

Epërsi që ka ardhur duke u thelluar, sepse maqedonasit kanë fituar të tretën 23-15 dhe të katërtën 25-10 dhe në përfundim 92-65 në një humbje që e zhyt SIGAL-in në një gjendje katastrofike.

Me këtë humbje zbehen shumë gjasat e fitueses në fuqi të Ligës Ballkanike, për t’u kualifikuar për në fazën tjetër. SIGAL Prishtina ka 10 pikë në renditje dhe ndodhet në vendin e gjashtë, që është edhe vendi i fundit.

Në Grupin A, Kozhuvi ka 11 pikë e nga 12 kanë Teodoja dhe Bashkimi i Prizrenit. Deri në fund Prishtina luan me Bashkimin dhe sërish me Kozhuvin. Asaj i duhen patjetër dy fitore dhe të shpresojë në dy humbje nga rivalët për të siguruar kualifikimin.

Vetëm katër ekipet kalojnë më tej në fazën çerekfinale.

Liga Ballkanike – BIBL 2016-2017

Basketbolli – Meshkuj

Grupi A

Java e 5-të

(10 janar 2017)

Ndeshje e prapambetur:

SIGAL Prishtina – Kozhuv 65-92

Renditja

Nr.       Skuadra                     N.        F.         H.        Psh-Pp           Pikë

1. Kumanovo                8          6          2          662-622         14
2. Beroe Stara-Zagora 8          5          3          655-657         13
3. Teodo                         8          4          4          661-631         12
4. Bashkimi Prizren     8          4          4          616-625         12
5. Kozhuv                      8          3          5          639-619         11
6. SIGAL Prishtina       8          2          6          609-690         10