Dje në takimin e tretë mes tyre duket se nuk ka vlejtur eksperienca e lojtarëve të trajnerit Afrim Bilali, por dëshira dhe saktësia e skuadrës së homologut Eduard Çarçani. Gjashtë 3-pikëshat e Shehit, Beqos dhe Qilimit bëjnë diferencën dhe Superiori mposht Ardhmëria Basket 63-65. Duke mbetur tek ndeshja nga një fillim i shpejtë i Ardhmërisë, që ka arritur të shkëputet në 7-1, gradualisht Superiori kthen në lojë.

Dhe fundi i pjesës së parë është vendosur nga dy trepikësha të Shehit, 13-16. Në pjesën e dytë, Ardhmëria edhe duke u vendosur më mirë arrin ta fitojë atë 19-14 dhe të kthejë në pushim 32-30. Por vetëm kaq, Beqo bëhet snajper dhe me tre 3-pikësha gati radhazi arrin t’i barazojë shifrat në 45-45. 14-15 është pjesa e tretë në favor të Superiorit, por Ardhmëria është një pikë përpara, në epërsi, 46-45.

Gjërat duket se janë vështirësuar për skuadrën e Bilalit, atëherë kur Shahini ka plotësuar numrin 5 të gabimeve personale. 62-60, 62-62, 63-65 dhe sulmi i fundit është për skuadrën e Bilalit. Por dhe pse pranë koshit, Ferra, që ndoshta ka pasur dhe një pengim nga lojtarët e Superiorit, nuk ka arritur ta çojë ndeshje në shtesë. Vërshëllima e fundit ka shpërthyer gëzimin e djemve të Çarçani, të cilët janë në mesin e fushës duke festuar.

Sepse, përtej ndonjë proteste të tifozëve të Ardhmërisë për gjykim të njëanshëm të Hoxhës dhe Bashos, ndonëse gjykimi i tyre duhet cilësuar i një niveli të mirë për një ndeshje të vështirë të Kategorisë së Parë atje ku basketbolli më shumë kthehet në mundje se sa në lojë, Superiori e ka merituar fitoren.

Ardhmëria Basket – Superiori       63-65

(13-16, 19-14, 14-15, 19-20)

Ardhmëria Basket: Brari (8), Shahini (13), Merkaj (12), Hoxha (8), Fjolla (2) / Qehajaj (4), Ferra (10), Latifi (6), Rakaj. Trajner: A. Bilali

Superiori: Beqo (14), Pregja (8), Troja (2), Qilimi (7), Shytaj (3) / Shushku (10), Gjeçi (8), Shehi (10), Jareci (3). Trajner: E. Çarçani

Gjyqtarë: G. Hoxha (Tiranë), G. Basho (Shkodër)

Kampionati Kombëtar

i Basketbollit – Meshkuj

Kategoria e Parë

Java e 14-të

(18-19 mars 2016)

Të premten:

Ardhmëria Basket – Superiori       63-65

Skënderbeu                                      pushim

Të shtunën:

Elbasani – Tirana Eagles               ora 12:00

Renditja

Nr.       Skuadra                     N.        F.         H.        Psh-Pp           Pikë

1. Superior                     12        9            3        871-645         21
2. Ardhmëria                 11        9            2        796-560         20
3. Elbasani                    10        7            3        767-645         17
4. Skënderbeu              11        1          10        597-779         12
5. Tirana Eagles           10        1            9        458-733         11