Ardhmëria Basket, ashtu sikurse mund të parashikohej dhe mund të mendohej ende pa u luajtur ndeshja e turit çerekfinal për Kupën e Shqipërisë me Tirana Eagles Basket, është finaliste e veprimtarisë së dytë më të rëndësishëm të basketbollit shqiptar. Një fitore me 37 pikë diferencë, jo vetëm që e ka rehabilituar skuadrën e Afrim Bilalit, e cila në kampionat kishte 4 javë pa fituar, por mbi të gjitha duket se ka qenë edhe një test kontrolli përpara ndeshjes në fushën vlonjate.

Merkaj në radhë të parë, por dhe Shahini e Gjonaj janë frymëzimi i suksesit të Ardhmërisë, e cila duket se po hyn në “brazdë” për të qenë një skuadër e tillë dhe në vazhdim të Superligës së Kampionatit Kombëtar të Basketbollit të Meshkuj. Pra jo thjesht për pjesëmarrje, por një ekip që të lërë gjurmë. Tirana Eagles Basket është shfaqur mirë në pjesën e parë, teksa ka kryesuar deri në 6-9.

E mandej, teksa Ardhmëria Basket ka filluar përmbysjen, skuadra e trajnerit Afrim Bilalit është e papërmbajtshme. Ka fituar pjesën e parë 12-9. Por ajo që e ka bërë bindëse këtë skuadër në suksesin e saj, është pjesa e dytë, e fituar 33-19, dhe e treta, e fituar 27-9. Dhe në total 72-37. Bilali në të fundit vendos të heqë jo vetëm Gjonajn dhe Sukajn, por dhe Merkajn.

E në fushë krahas Hoxhës dhe Shahinit janë Beliu, Beqo e Ferra. Por dhe Tirana Eagles Basket i Juri Dashit i ka provuar të gjithë lojtarët e vet. Ka një moment të mirë të Shytaj, i cili në 3 momente poshtë koshit të Ardhmërisë Basket nuk ka falur. 13-11 është pjesa e katërt për Ardhmërinë Basket dhe në fund 85-48 dhe për skuadra e Afrim Bilalit dhe Vladimir Xhekës për herë të parë në historinë e saj të krijimit është gjysmëfinaliste e Kupës së Shqipërisë.

Ardhmëria Basket – Tirana Eagles Basket           85-48

(12-9, 33-19, 27-9, 13-11)

Ardhmëria Basket: Merkaj (18), Hoxha (8), Mara (2), Shahini (14), Gjonaj (14) / Ferra (8), Beqo (9), Sukaj (8), Fjolla, Beliu (4). Trajner: A. Bilali

Tirana Eagles Basket: Zavalani (4), Nasi (2), Shehi (6), Adili, Vogli (10) / Allaraj, Shytaj (8), Nikolli (2), Musta (11), Nallbani (5), Xhemali. Trajner: J. Dashi

Gjyqtarë: M. Kasëmi (Vlorë), E. Koçi (Tiranë), B. Tafilica (Shkodër)

Kupa e Shqipërisë

Basketboll – Meshkuj

Çerekfinalet:

Të martën:

Vllaznia – Partizani                                       78-55

Ardhmëria Basket – Eagles Basket            85-48

Teuta – Elbasani                                          118-52

Të mërkurën:

Tirana – Kamza Basket                                ora 17:00