Për Sutjeskën ka mjaftuar përmbysja në pjesën e dytë, nga 30-32, në 47-32, me një epërsi të pjesshme 17-0, që më pas të administrojë suksesin, që është i dyti për malazezët në Ligën Ballkanike. Pesë minuta furtunë dhe Tirana e basketbollit të meshkujve është “mbytur” në Nikshiq të Malit të Zi në ndeshjen e 5-të të Ligës Ballkanike.

Ka mjaftuar për malazezët e Sutjeskës përmbysja e disavantazhit në pjesën e dytë nga 30-32 në 47-32 që më pas të administrohej suksesi, që në përfundim ka pasur një diferencë prej 15 pikësh në humbjen e bardhebluve, 77-61. Një ndeshje më e mirë se sa me MKK Feni Industries, që Tirana e pati humbur me 41 pikë diferencë. Por me kaq shumë luhatje, edhe pse ka fituar pjesën e parë dhe të 3-të, Tirana nuk mund të ketë vazhdimësinë.

E deri më tani shpreson që të kapë ndeshjet që ka në fushën e vet për të qenë më pas në raundin e dytë të Ligës Ballkanike. S’është humbje për t’u bërë dramë, por gjithnjë ka vend për korrigjime për një Tiranë më perfekte e jo me kaq shumë ulje-ngritje. Për Sutjeskën kjo ishte fitorja e dytë në tre ndeshje.

Liga Ballkanike e Basketbollit – Meshkuj

Faza e grupeve:

Grupi B

Java e 3-të

(24-25 tetor 2016)

Të hënën:

Sutjeska Nikshiq – Tirana                          77-61

Të martën:

MKK Feni Industriers – Trepça                  ora 19:00

29 nëntor 2016:

Peja – Karpos Sokoli 2000

Renditja

Nr.       Skuadra         N.        F.         H.        Psh-Pp           Pikë

1. Sutjeska         2          2          0          171-121         4
2. Tirana             3          1          2          196-241         4
3. MKK Feni      2          1          1          171-139         3
4. Trepça            2          1          1          148-158         3
5. Peja                1          1          0            82-73            2
6. Karpos           2          0          2          140-176         2