Prishtinasit e kanë nisur në sulm ndeshjen, ndërsa falë koshave të saktë të Berishës, Bavçiç dhe Azemit është shkëputur deri në 6-0. Mirëpo Vllaznia nuk dorëzohet. Bërdica dhe Saralija, ky i fundit me trepikësh, ngushton deri në 6-5. Ndoja e ka kaluar në epërsi 7-6, por Berisha me një dypikësh dhe një gjuajtje të lirë sërish e nxjerr SIGAL-in përsëri në epërsi 7-9.

SIGAL Prishtina thellon përsëri 7-16, 9-18 dhe në përfundim të pjesës së parë fiton 18-29. Pjesa e dytë është një thellim i epërsisë së SIGAL-it, që ka shkuar deri në 44-39, dhe kjo falë këmbënguljes së kuqebluve për të mos u dorëzuar. Sepse pjesa e dytë është fituar nga Vllaznia 21-15. Në të tretën luhet pikë më pikë, aq sa pjesa e tretë ka përfunduar 15-17, por në fund përsëri 54-61 për prishtinasit.

Në përfundim SIGAL Prishtina ka fituar me 10 pikë diferencë, 88-78, ndërsa shënuesit më të mirë janë Dardan Berisha dhe Saralija, të cilët kanë shënuar nga 29 pikë secili. Përfundimisht Vllaznia nuk ia ka dalë me prishtinasit e SIGAL-it duke mbetur tek pesë humbjet e zero fitoret.

Vllaznia – SIGAL Prishtina             78-88

(18-29, 21-15, 15-17, 24-27)

Vllaznia: Bërdica (8), Ndoja (11), Pajoviç (10), Saralija (29), Gavraniç (15) / Arra (5), Bekteshi. Trajner: B. Gjeçaj

SIGAL Prishtina: Berisha (29), Bavçiç (23), Azemi (13), MekGi (1), Halls (15) / Mazreku (5), Hasani (2). Trajner: S. Hadxhiç

Gjyqtarë: M. Ciulin (Rumani), A. Pavlov (Maqedoni), M. Kaludjeroviç (Mali i Zi)

Liga Ballkanike

Basketboll – Meshkuj

Grupi B

Renditja

Nr.       Skuadra                     N.        F.         H.        Psh-Pp           Pikë

1. SIGAL Prishtina 5          4          1          430-386         9
2. Kozuv             4          4          0          353-280         8
3. Mornar             4          2          2          251-253         6
4. Krajova             4          1          3          316-336         5
5. Vllaznia             5          0          5          261-356         5