Pas hedhjes ditën e premte të shortit të turit çerekfinal, Federata Shqiptare e Basketbollit ka dje zbardhur ndarjen e ndeshjeve, së bashku me oraret, në datat 2 dhe 3 dhjetor.

Janë data që janë përcaktuar që më parë nga institucioni më i lartë i koshit shqiptar, ndërsa edhe turi çerekfinal do të luhet me një takim dhe eliminim direkt.

Ende nuk është përcaktuar vendi i zhvillimit të fazës finale të Kupës së Shqipërisë, si për meshkuj, ashtu dhe për femra, ndërsa më 18 dhe 19 dhjetor janë gjysmëfinalet dhe më 20 dhjetor finalet.

Janë dy kandidatura, Shkodra dhe Vlora, por që mbetet në vendimin e kryesisë. Megjithatë tashmë Kupa e Shqipërisë dhe turi i saj çerekfinal i ka datat dhe oraret e caktuar, gjithnjë më 2 dhe 3 dhjetor 2014.

Kupa e Shqipërisë

Basketboll – Meshkuj

Ndeshjet e turit çerekfinal:

Vllaznia – Elbasani                         2 dhjetor         ora 17:00

Kamza Basket – Flamurtari            2 dhjetor         ora 17:00

Tirana – Studenti                             3 dhjetor         ora 17:00

Partizani – Apolonia                                    2 dhjetor         ora 17:00

Kupa e Shqipërisë

Basketboll – Femra

Ndeshjet e turit çerekfinal:

Flamurtari – Elbasani                      2 dhjetor         ora 13:00

Apolonia – Skënderbeu                 2 dhjetor         ora 12:00

Tirana – Studenti                             3 dhjetor         ora 15:00

Kamza Basket – Vllaznia               2 dhjetor         ora 19:00