ASNN – Gentian Cici, ndërkombëtari i basketbollit shqiptar, ka gjykuar ndeshjen e tij të 12-të në Ligën e Kampioneve për sezonin 2017-2018. Cici ka qenë gjyqtar i dytë në ndeshjen e grupit D, Beshiktash Sompo Japan-Ostende 87-77 (24-15, 25-18, 21-24, 17-20). Në këtë takim, gjyqtar i parë ishte lituanezi Tomas Jasevicius, kurse i tretë maqedonasi Aleksandar Milojeviç. Në
dymbëdhjetë ndeshje, Cici në Ligën e Kampioneve ka arbitruar nga dy herë Sikeliarkivi D’Orlando, Avtodor, Banvit dhe Pinar Karsiaka, si dhe nga një herë Keravnos, Kluzh, MHP Riesen Ludvidsburg, Gaziantep, Dinamo Sasari, Eve Basket Oldenburg, AEK Athinë, Aris Selanik, Nanterre, Hapoel Holon, Movistar Estudiantes, Monako, Elon Shalon, Neptunas Klaipeda, Beshiktash Sompo Japan dhe Ostende.
Në total, Cici numëron 15 ndeshje ndërkombëtare për sezonin 2017-2018, sepse veç 12 ndeshjeve në Ligën e Kampioneve, ka dy në turin e parë të Eliminatoreve të Kampionatit Botëror “Kinë 2019”, si dhe një në Euroligë për femra. Në përgjithësi mbetet gjithnjë në qendër të vëmendjes së ndërkombëtarëve, teksa çdo javë është me bilbil në parket, përtej veprimtarive kombëtare të basketbollit shqiptar.
