Vllaznia në basketboll për femra e ka mundur Skënderbeun e Korçës, ku ka tërhequr vëmendjen Ingrid Dashja me një superformë në takimin e djeshëm, që është luajtur në Pallatin e Sportit “Qazim Dervishi” të Shkodrës. Shtatlartja e talentuar shkodrane ka qënë pa dyshim më e mira, jo vetëm e Vllaznisë, por edhe e krejt ndeshjes me 28 pikët e shënuara në këtë përballje.

Pikë këto që padyshim që kontribuuan edhe në fitoren e Vllaznisë, e cila, ndonëse disi me luhatje të ecurisë së lojës, në momentet e fundit arriti të shfaqej më e saktë në veprimet e saj, duke e fituar të gjithë ndeshjen me rezultatin e ngushtë 67-64. Çastet më të mira të Vllaznisë kanë qenë ato të pjesës së parë, kur në sajë të një lojë më të organizuar në mbrojtje dhe saktësisë në gjuajtje për 2 dhe 3 pikë arriti të shkëputej duke e fituar 14-8.

Por, çuditërisht, lëshon në lojë për fraksionin e dytë duke i dhënë mundësi mikeshave nga Korça të fitojnë me të njëjtën diference pikësh, 6 të tillë, 18-24. Dhe gjysma e parë është mbyllur në barazim 32-32. Gjysma e dytë ka të njëjtën pamje si ajo e së parës. Pjesën e tretë e fiton Vllaznia me shifrat 18-13 dhe thellon në 50-45, ndërsa e fundit është për Skënderbeun, 17-19, por, në total, 67-64 për Vllazninë.

Vllaznia – Skënderbeu                    67-64

(14-8, 18-24, 18-13, 17-19)

Vllaznia: Mustafa, I. Dashja, Basha, Berrania, A. Dashja / Çoçja. Trajner: R. Rasha

Skënderbeu: Pllumbi, Haris, Toska, Llazari, Gjika / Hysenllari, Shallo. Trajner: Rigerta Gjika

Gjyqtarë: E. Allaraj, V. Prapa (Tiranë)

Kampionatit Kombëtar

i Basketbollit – Femra

Kategoria e Parë

Java e 6-të

(2-3 dhjetor 2016)

Të premten:

Kamza Basket – Apolonia              47-88

Të shtunën:

Elbasani – Studenti                         61-79

Vllaznia – Skënderbeu                   67-64

Goga Basket – Tirana                     56-59

Flamurtari                                          pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         5          5          0          358-279         10
2. Flamurtari                  5          5          0          370-292         10
3. Goga Basket             5          4          1          424-269           9
4. Vllaznia                     6          3          3          397-378           9
5. Studenti                     5          3          2          310-298           8
6. Elbasani                    5          2          3          364-346           7
7. Apolonia                    6          1          5          375-480           7
8. Skënderbeu              5          1          4          307-338           6
9. Kamza Basket          6          0          6          326-551           6