Një minutë heshtje për dy skuadrat e basketbollit të femrave, Vllaznisë vendëse dhe Goga Basket mysafire, për gjyqtarinë, si dhe publikun në sallë përpara fillimit të ndeshjes si homazh dhe nderim për Alda Kaçorrin, ish-volejbollisten e trajneren e ekipit të të rejave në volejboll të kuqebluve.

Ajo u nda nga jeta krejt pa pritur dy ditë më parë në moshën 53 vjeçare, ndërsa po zhvillonte orën e mësimit të edukimit fizik me nxënësit e saj në shkollën 9 vjeçare “Ismail Qemali” . Basketbollistët shkodrane takimi ka vijuar duke mbajtur në krah gjatë të gjithë kohës shiritin e zi, gjithnjë në respekt të së ndierës Kaçorri.

Duke iu referuar takimit në fjalë duhet thënë se në këtë përballje vendëset e drejtuara nga dyshja e trajnerëve Rasha-Rakaj nuk kanë qenë në një ditë të mirë. Në fushën e lojës nuk është parë ai ritëm dhe cilësi që Vllaznia ka shfaqur në takimet e mëparshme, ku edhe arriti të regjistrojë rezultate pozitive.

Krejt e kundërta ka ndodhur me skuadrën mike, e cila nën drejtimin e trajnerit të mirënjohur Astrit Greva, duke dominuar në të gjithë ecurinë e takimit, arriti të largohej nga Shkodra me një fitore të merituar, madje edhe me shifra të thella, 66-87, duke konsoliduar vendin e dytë në renditje.

Vllaznia – Goga Basket       66-87

(13-30, 16-12, 12-23, 25-32)

Vllaznia: I. Dashja, Mustafa, Basha, Çoçja, Berrania / A. Dashja. Trajner: R. Rasha

Goga Basket: Përmeti, Turçinoviç, Xhanaj, Popoviç, Mehmeti / Baraj, Memushi, Qypi, Dishnica. Trajner: A. Greva

Gjyqtarë: E. Koçi, A. Dulçe (Tiranë)

Kampionati Kombëtar

i Basketbollit – Femra

Kategoria e Parë

Java e 16-të

(25-26 mars 2016)

Të premten:

Studenti – Kamza Basket               59-48

Të shtunën:

Tirana – Flamurtari                          72-74

Vllaznia – Goga Basket                  66-87

Skënderbeu – Elbasani                  58-73

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  16        16          0        1237-989       32
2. Goga Basket             16        12          4        1294-1026     28
3. Tirana                         16        10          6        1162-1104     26
4. Vllaznia                     16          9          7        1118-1067     25
5. Studenti                     16          6        10          915-1074     22
6. Skënderbeu              16          6        10        1033-1136     22
7. Kamza Basket          16          4        12          834-986       20

8.       Elbasani                    16          1        15        1022-1197     17