Tirana ka ruajtur titullaret e saj në ndeshjen me Elbasanin, ndërsa skuadrën e vendit të fundit në basketboll për femra e ka mundur thuajse me rezervat. Ka shkëlqyer përsëri Eliverta Bujari, e cila ka shënuar 31 pikë, ndërsa ka numëruar 5 trepikësha radhazi. Por jo më pak ka qenë edhe Adelajda Aliaj, e cila ka realizuar 20 pikë, si dhe Gera Bujari, që ka shënuar 6 pikë. Por në fakt kanë munguar Hoxhaj, Gjoni, Komti, sepse për Tiranën është shumë më e rëndësishme finalja e Superkupës të mërkurën ndaj Flamurtarit.

Duke mbetur tek ndeshja, në pjesën e parë kur në fushë janë vetëm Bujari dhe Aliaj Tirana ka vështirësi, sepse Duqi, E. Aliaj dhe Jaçe nuk e mbajnë dot ritmin e kërkuar. Luhet pikë më pikë, atje ku herë Tirana dhe herë Elbasani janë në epërsi. E në përfundim 22-21 për bardheblutë. Ajo që i ka vënë vulën fitores së bardhebluve është pjesa e dytë, atje ku gjithçka merret përsipër nga Eliverta Bujari, e cila përveç 5 3-pikëshave ka realizuar nga loja dhe 8 gjuajtje për dy pikë, pa pasur nevojë të jetë në vijën e gjuajtjeve të lira, sepse asnjëherë nuk i është bërë faull.

35-17 dhe në pushim është regjistruar rezultati 57-38. Bujari e mbyll këtu ndeshjen, ndërsa Aliaj ka rreth saj të rejat si Duqi, Huta, Konini dhe Nelaj. E përsëri Tirana godet, sepse Aliaj me përvojën e saj arrin ta mbajë përpara skuadrën. 25-21 pjesa e tretë dhe në total 82-59. Sërish të rejat përdor Borova, së bashku dhe me Gera Bujarin. Por Tirana ka një ulje të ritmit dhe përfiton Elbasani, e cila me Ahmetin, Qosjen, Sulenjin, Shabanin dhe Zenunin arrin të fitojë pjesën e katërt dhe të ngushtojë humbjen në 16 pikë diferencë.

Përfundimisht 95-79 për Tiranën, që kështu shkon në Superkupën e Shqipërisë përballë Flamurtarit me moral më të mirë.

Tirana – Elbasani                 95-79

(22-21, 35-17, 25-21, 13-20)

Tirana: E. Bujari (31), A. Aliaj (18), E. Aliaj (13), Jaçe (10), Duqi (11) / Beleshi, Huta (2), Konini (2), G. Bujari (6), Nelaj (2). Trajner: E. Borova

Elbasani: Ahmetaj (29), Qosja (16), Selko, Sulenji (10), Shabani (14) / Zenuni (10). Trajnere: E. Xhyra

Gjyqtarë: G. Cici (Tiranë), E. Hoxhaj (Vlorë)

Kampionati Kombëtar

i Basketbollit – Femra

Java e 21-të

(30 prill 2016)

Flamurtari – Goga Basket               54-67

Tirana – Elbasani                            95-79

Vllaznia – Kamza Basket               88-52

Skënderbeu – Studenti                  65-68

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  21        20          1        1615-1282     41
2. Goga Basket             21        17          4        1796-1318     38
3. Tirana                         21        14          7        1577-1480     34
4. Vllaznia                     21        12          9        1504-1425     33
5. Studenti                     21          7        14        1209-1468     28
6. Kamza Basket          21          6        15        1150-1320     27
7. Skënderbeu              21          6        15        1320-1525     27
8. Elbasani                    21          2        19        1350-1639     22

Faza e “play-off”-it

për titullin “kampion”

Gjysmëfinalet:

Flamurtari – Vllaznia

Goga Basket – Tirana

Shënim: 3 takimet luhen më 10, 13 dhe 17 maj 2016, kjo e fundit nëse do të jetë e nevojshme