ASNN – Femrat e Avramit kanë mundur Apoloninë në një ndeshje ku dhe kanë falur pikë me protokoll, ndërsa patën probleme dhe me tavolinën e gjyqtarisë. Meshkujt rekordin e kampionatit përballë Flamurtarit. Tirana ka fituar 81-60 ndaj Apolonisë dhe e mbyll 2016-ën me pikë të plot, 18, pas 8 fitoresh në po aq javë të deritanishme të këtij sezoni.

Ndërkaq, Goga Basket i ka shkaktuar kampiones në fuqi, Flamurtarit, humbjen e dytë radhazi, pasi e ka mundur 69-63, në takimin e zhvilluar në Pallatin e Sportit “Ramazan Njala” të Durrësit, duke marrë vendin e dytë të renditjes me 15 pikë, një më tepër sesa vlonjatet, që zbresin në vendin e 3-të. Ndërkaq, në vendin e 4-t është konfirmuar Vllaznia që tanimë ka 13 pikë.

Skuadra shkodrane e ka kaluar me sukses përballjen e mbrëmshme të luajtur në pallatin e sportit “Qazim Dervishi” ndaj Studentit. Një ndeshje kjo e rëndësishme përsa i përket pozicionit në renditje, pasi universitareve të drejtuara nga Fiorentina Mitku synonin t’i merrnin Vllaznisë vendin e 4-t. Ishte kjo arsyeja që basketbollistet vendëse, të drejtuara nga Rajmond Rasha, luajtën shumë të mobilizuara dhe fituan 71-56.

Ndërkaq, në takimin e fundit të javës së 9-të të Kampionatit Kombëtar të Basketbollit për Femra, për herë të parë në këtë sezon, Skënderbeu shënon një fitore të thellë në shifra. Dhe ky sukses ka ardhur pikërisht dje në Pallatin e Sportit “Tamara Nikolla” të Korçës në përballjen me Elbasanin. Skënderbeu ka fituar me 21 pikë diferencë, gjë që nuk e kishte arritur më parë në këto 8 javë të luajtura.

Kampionati Kombëtar

i Basketbollit – Femra

Kategoria e Parë

Java e 9-të

(21-22 dhjetor 2016)

Të mërkurën:

Tirana – Apolonia                            81-60

Skënderbeu – Elbasani                  97-76

Vllaznia – Studenti                          71-56

Goga Basket – Flamurtari               69-63

Kamza Basket                                  pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         8          8          0          601-472         16
2. Goga Basket             8          7          1          668-457         15
3. Flamurtari                  8          6          2          608-521         14
4. Vllaznia                     8          5          3          545-471         13
5. Studenti                     8          4          4          514-507         12
6. Skënderbeu              8          3          5          522-548         11
7. Elbasani                    8          2          6          560-607         10
8. Apolonia                    8          1          7          485-639           9
9. Kamza Basket          8          0          8          414-695           8