ASNN – Basketbolli i femrave vijon rrugëtimin e tij me ndeshjet e javës së 8-të në nivelin më të lartë, në grupin A të Kategorisë së Parë, ku në Shkodër u luajt të premten sfida e radhës, ajo mes Vllaznisë dhe SH.K.B.F. Tiranës, e mbyllur me fitoren e vajzave bardheblu të trajnerit Erdal Borova me rezultatin 74-57.

Nga Vllaznia pritej një rivalitet më i fortë në këtë ndeshje, sepse vajzat shkodrane kishin mundur në fushën e tyre dhe Flamurtarin pak javë më parë dhe kishin realisht pritshmëri të mëdha. Për më tepër Vllaznia rivalizon me SH.B.F. Tiranën, por dhe Flamurtarin për vend të dytë. E megjithatë nuk ia doli.

Epërsia e Tiranës duket jo vetëm në shifra, por edhe në konceptin e lojës që tregoi në parket. Për kryeqytetaset ishte një fitore e radhës, e 8-ta rresht dhe një dominim me meritë i kampionatit kombëtar të basketbollit në këtë gjini. Kjo fitore e ndihmon SH.K.B.F. Tiranën të mbajë kreun e renditjes.

Madje ta çojë në 3 pikë diferencën me ndjekësit dhe në kushtet e formatit ku funksionon kampionati, kjo është diferencë që tregon shumë për superioritetin e skuadrës së Borovës. Në kuadër të javës së tetë, të shtunën do të luhet takimi Elbasani-SH.B.F Tirana, një mundësi për vajzat e trajneres Mirza Alibegaj të thellojnë rezultatin.

Por edhe të nxitojnë të afrohen me kreun. Në mesjavë, po në kuadër të javës së 8-të, Flamurtari mundi Studentin 85-59. Flamurtari duket se e ka rimarrë veten dhe pas një nisjeje të dobët është futur plotësisht në rrjedhën e garës, duke ngjitur shkallët një pas një.

Duke sfiduar tashmë edhe SH.K.B.F. Tiranën që ndodhet në krye të renditjes, pa asnjë humbje deri më tani. Skuadra vlonjate, e drejtuar nga trajneri Viron Toska, mundi të martën në kryeqytet Studentin me rezultatin 85-59. Një rezultat që tregon në mënyrë domethënëse diferencat midis dy skuadrave.

Kampionati Kombëtar

i Basketbollit – Femra

Kategoria e Parë

Grupi A

Java e 8-të

Të martën, 27 nëntor 2018:

Studenti – Flamurtari                       59-85

Të premten, 30 nëntor 2018:

Vllaznia – SH.K.B.F. Tirana                        57-74

Të shtunën, 1 dhjetor 2018:

Elbasani – SH.B.F. Tirana              (14:00)

Renditja

Nr.       Skuadra                     N.        F.         H.        Pikë

1. SH.K.B.F. Tirana      8          8          0          16
2. Flamurtari                  8          5          3          13
3. Vllaznia                     8          5          3          13
4. SH.B.F. Tirana          7          4          3          11
5. Studenti                     8          1          7            9
6. Elbasani                    7          0          7            7