Ndërkohë, në gjysmëfinalen e dytë, Tirana ka bërë një nga ndeshjet e saj më të mira që nga koha kur është ndërprerë kampionati më 26 dhjetor 2015. Eliverta Bujari dhe Rezarta Hoxhaj me trepikëshat e vet, shto dhe lojën e mirë të Gera Bujarit, Aliajt dhe Gjoni e shkëpusin Tiranën në epërsi 10-0.

Madje duhet thënë që Tirana ka bërë lojën e Skënderbeut, teksa ka shënuar me trepikësha, ndërsa në krahun tjetër as Gjika e as Llazar, të mbuluara fort nga bardheblutë, nuk janë aq “vrastare” në goditjet e tyre. Tirana është gjithnjë fituese në tre pjesët e para, të cilat i ka fituar 18-9, 22-16, 25-19 dhe në total 65-44.

Ka kohë edhe për të rejat, ndërsa korçaret mundohen të shkurtojnë. Por jo deri në atë nivel sa për të përmbysur, sepse Tirana ka qenë fituese 79-65 dhe sot pritet të jetë një finale më e ethshme, sepse gjysmëfinalet dhanë dhe idenë sikur humbëset kishin ardhur pa dëshirë në këtë faza të Kupës së Shqipërisë.

Ndaj dhe Flamurtari e Tirana janë në finale…

Tirana – Skënderbeu           79-65

(18-9, 22-16, 25-19, 14-21)

Tirana: E. Bujari (17), G. Bujari (8), Hoxhaj (23), Gjoni (7), A. Aliaj (18) / Komti, Duqi, Jaçe (2), Konini (2), Huta, Nelaj (2), E. Aliaj. Trajner: E. Borova

Skënderbeu: Haris (13), Llazar (16), E. Papa (13), S. Papa, Gjika (13) / Toska (7), E. Daja (3). Trajner: E. Papa

Gjyqtarë: G. Cici, E. Allaraj (Tiranë)

Kupa e Shqipërisë

Basketboll – Femra

Kalendari i fazës finale:

(Pallati i Sportit “Asllan Rusi”, Tiranë)

Gjysmëfinalet

12 shkurt 2016:

Flamurtari – Kamza Basket             57-53

(11-17, 17-11, 21-9, 8-16)

Tirana – Skënderbeu                       79-65

(18-9, 22-16, 25-19, 14-21)

Finalja

13 shkurt 2016:

Flamurtari – Tirana                       ora 17:00