Tirana ka “betonuar” vendin e tretë në renditjen e basketbollit të femrave, teksa dje ka fituar ndaj Vllaznisë, atje ku Eliverta Bujari është bërë rekordmene. 42 për bionden bardheblu, 10 trepikësha të realizuara dhe gjithnjë një shtysë e mirë për skuadrën e Erdal Borovës kur bëhet fjalë për një sukses të garantuar.

Dje Vllaznia, që në fakt e kishte mundur në fazën e parë Tiranën në shtëpinë e saj, 72-74, e kishte më shumë se sa të vështirë. Diferencat janë bërë që në pjesën e parë, ndërsa Tirana ka fituar 28-12 dhe Bujari kishte realizuar 13 pikë nëpërmjet 4 tripikëshave.

Mundohet Vllaznia të balancojë dhe në një farë mënyre ia ka arritur. Mirëpo Tirana ka fituar me një pikë diferencë, 24-23 dhe në total 52-35. Sërish me rivalitet është dhe pjesa e tretë, por që gjithnjë është fituar nga Tirana, 18-16, dhe vajzat bardheblu kryesojnë 70-51.

Ka kohë për të aktivizuar dhe rezervat që nga Jaçe, Huta, Duqi dhe Konini, pa harruar që Beleshi ka qenë titullare. Loja është më e hapur dhe në fakt fiton Vllaznia, që ka ngushtuar diferencën e humbjes së saj në 91-78. Përfundimisht Tirana ka bërë një tjetër lojë të mirë, që në fakt duhet shpërblyer në fund të sezonit me daljen në finale dhe pse jo përpjekjen për të marrë titullin “kampion”. Sepse deri më tani gjërat duken të sigurta.

Tirana – Vllaznia                   91-78

(28-12, 24-23, 18-16, 21-27)

Tirana: E. Bujari (42), G. Bujari (12), Hoxhaj (9), Aliaj (18), Beleshi / E. Aliaj, Gjoni (10), Komti, Jaçe, Huta, Duqi, Konini Trajner: E. Borova

Vllaznia: I.Dashja (26), Mustafa (16), Basha (4), Berranija (24), Çoçja / A. Dashja (8). Trajner: R. Rashja

Gjyqtarë: E. Koçi, E. Tiko (Tiranë)

Kampionati Kombëtar

i Basketbollit – Femra

Kategoria e Parë

Java e 20-të

(22-23 prill 2016)

Të premten:

Kamza Basket – Flamurtari              75-81

Të shtunën:

Elbasani – Studenti                           70-63

Goga Basket – Skënderbeu           115-53

Tirana – Vllaznia                                91-78

Renditja

Nr.       Skuadra                     N.        F.         H.        Psh-Pp          Pikë

1. Flamurtari                  20        20          0        1561-1251     40
2. Goga Basket             20        16          4        1729-1264     36
3. Tirana                         20        13          7        1482-1401     33
4. Vllaznia                     20        11          9        1416-1373     31
5. Kamza Basket          20          6        14        1098-1232     26
6. Skënderbeu              20          6        14        1255-1457     26
7. Studenti                     20          6        14        1141-1403     26

8.       Elbasani                    20          2        18        1271-1544     22