Eliverta Bujari ka marrë përdore skuadrën e Erdal Borovës, me 31 pikë të shënuara, shtatë 3-pikësha dhe pesë dypikësha, ndërsa pas saj dhe Adelajde Aliaj dhe Rezarta Hoxhaj. Një ndeshje ndër më të mirat e basketbollit të femrave. Dy trepikësha të Eliverta Bujarit dhe një e Rezarta Hoxhajt dhe Tirana nis shkëputjen në rezultat. 20-7 dhe mandej dhe 25-13, por deri këtu. Goga Basket, përqendruar fort në lojën e malazezëve Turçinoviç dhe Popoviç, por dhe të Xhanajt e të tjerave, arrin të afrohet në fund të pjesës së parë 30-26.

Madje të kalojë edhe në epërsi në mesin e pjesës së dytë në 35-42. Por sërish duhet një “snajper” për të “plagosur” kundërshtarin dhe kjo është Eliverta Bujari. Dhe dy trepikësha të tjerë dhe Tirana afrohet në 41-42. Mirëpo Goga Basket është shkëputur dhe në fund të pjesës së dytë shënohet rezultati 49-52. Madje, për koshin me vlerën e dy pikëve të Përmetit, ka pasur debate nga trajneri i Tiranës, Erdal Borova, që ka pretenduar se koshi i durrsakeve është i parregullt pasi kishte rënë gongu për përfundimin e lojës.

Por Cici e ka argumentuar se topi ka qenë në unazë dhe ka hyrë në kosh ende pa ardhur vërshëllima e tij dhe e kolegut Trajer, ndaj koshit është i rregullt. Gjithsesi Tirana rregullon lojën dhe nëpërmjet Eliverta Bujarit, e cila ka shënuar dhe tre trepikësha të tjerë duke shkuar në shtatë në total, por dhe Adelajde Aliajt dhe Rezarta Hoxhaj arrin të afrohet në një pikë në fund të pjesës së tretë, 66-67. Goga Basket ka dhe protesta për të cilën është ndëshkuar me gabim teknik Popoviçi dhe Përmeti, pa thënë që është ndëshkuar me gabim për ndërprerje të sulmit dhe Adelajde Aliaj.

Tirana merr vrull, e fiton pjesdën e katërt 16-12 dhe në fund është fituese 82-79, në një ndeshje me shumë rivalitet dhe përmbysje. Bardheblutë janë gëzuar, sepse kështu kanë marrë vendin e dytë, kurse Goga Basket është detyruar të pranojë humbjen dje në mesditë në Sallën Sportive “Farie Hoti” në kryeqytet.

Tirana – Goga Basket         82-79

(30-26, 19-26, 17-15, 16-12)

Tirana: E. Bujari (31), A. Aliaj (18), G. Bujari (8), Hoxhaj (17), E. Aliaj (2) / Gjoni (2), Beleshi, Duqi (4). Trajner: E. Borova

Goga Basket: Turçinoviç (19), Qypi (8), Baraj (1), Xhanaj (19), Përmeti (7) / Popoviç (17), Dishnica (2), Mehmeti (6). Trajner: A. Greva

Gjyqtarë: G. Cici (Tiranë), H. Trajer (Shkodër)

Kampionati Kombëtar

i Basketbollit – Femra

Java e 13-të

(4-5 mars 2016)

Të premten:

Kamza Basket – Skënderbeu        63-46

Të shtunën:

Tirana – Goga Basket                     82-79

Vllaznia – Flamurtari                       56-66

Elbasani – Studenti                         55-61

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  13        13          0          994-763       26
2. Goga Basket             13          9          4        1011-842       22
3. Tirana                         13          9          4          932-855       22
4. Vllaznia                     13          7          6          894-886       20
5. Skënderbeu              13          6          6          881-905       19
6. Kamza Basket          13          4          9          682-772       17
7. Studenti                     13          4          9          722-882       17
8. Elbasani                    13          0        13          722-941       13