Skuadra e Fiorentina Mitkut ka arritur ta kthejë lojën vetëm në dy pjesët e dyta, ndërsa tek kamzalijet ka rënë në sy mungesa e kapitenes Aida Vata. Studenti ka pasur vështirësi për të mundur Kamza Basket në ndeshjen e dytë të fazës së tretë, por në fund ia ka dalë të jetë përsëri triumfatore. Dhe duket sikur ia ka marrë dorën kësaj skuadre, sepse në fazën e dytë pat fituar 65-53, kurse dje 59-48. Dhe tashmë gjendja e fitoreve mes këtyre dy skuadrave, duke futur dhe përballjen e tyre në Kupën e Shqipërisë, është 2-2.

Për Kamza Basket ka rënë në sy mungesa e kapitenes Aida Vata, ndërsa në fakt Gridi Sokoli nuk duket se ka qenë në formën e saj maksimale. E më pat Matka e Memçaj, por dhe Ymeri e Kuçi e kanë pasur të vështirë t’i bëjnë ballë Studentit, që vetëm në dy pjesët e dyta ka bërë përmbysjen e madhe. Pjesa e parë është fituar nga Kamza Basket 13-16. Po kështu ndodh edhe në të dytën, 10-11 dhe në pushim shkohet me shifrat 23-27 për Kamza Basket. Kaq mjafton që Mitku t’i shkundë mirë vajzat e saj, të cilat në pjesën e tretë dhe të katërt janë krejtësisht ndryshe.

Metani, Çomollari, Halili, Naçollari e Lalaj bëjnë gjithçka mirë. Dhe diferenca vihet re në pjesën e tretë, të cilën Studenti e ka fituar 20-9 duke kthyer në rezultat 43-36. Studenti fiton dhe të fundit, 18-12 dhe në fund 59-48. Një fitore që e ngre në renditje Studentin, ndonëse java e basketbollit të femrave mbyllet sot. Për t’u evidentuar, por gjithnjë nga pas stolit të rezervave, Kamza Basket është udhëhequr nga trajneri i Tiranës në basketboll për meshkuj, Roland Avrami. Gjithnjë kjo në mungesë të një trajneri për skuadrën gjatë gjithë sezonit.

E përtej kësaj, Kamza Basket nuk e ka shpëtuar dot ndeshjen, e cila është fituar përsëri nga Studenti.

Studenti – Kamza Basket    59-48

(13-16, 10-11, 20-9, 16-12)

Kampionati Kombëtar

i Basketbollit – Femra

Kategoria e Parë

Java e 16-të

(25-26 mars 2016)

Të premten:

Studenti – Kamza Basket               59-48

Të shtunën:

Tirana – Flamurtari                          ora 12:00

Vllaznia – Goga Basket                  ora 12:00

Skënderbeu – Elbasani                  ora 15:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  15        15          0        1163-917       30
2. Goga Basket             15        11          4        1207-960       26
3. Tirana                         15        10          5        1090-1030     25
4. Vllaznia                     15          9          6        1052-980       24
5. Studenti                     16          6        10          915-1074     22
6. Skënderbeu              15          6          8          975-1063     21
7. Kamza Basket          16          4        12          834-986       20
8. Elbasani                    15          0        15          876-1139     15