Nga 85 pikë të shënuara nga skuadra e Fiorentina Mitkut në përballjen e djeshme me Skënderbeun, 44 pikë janë shënuar nga basketbollistja Dorina Mema. Studenti e ka nisur shpejt ndeshja, ndërsa Mema nis “gjuetinë” e 3-pikëshave, apo dhe të dypikëshave me depërtime në zonën korçare.

Është shkëputur deri në 11-2 dhe vetëm një trepikësh i Gjikës, apo një dypikësh i Llazar e ka afruar për herë të parë dhe të fundit Skënderbeun në 11-7. Pas kësaj gjithçka është nën dirigjimin e vendësve, që e kanë siguruar fitoren që në pjesën e parë, kur kanë fituar 23-9.

E dyta ka një lloj përmirësimi të korçareve, atje ku dallohet veçanërisht Pëllumbi, apo dhe Llazar. 23-18 dhe Studenti në pushim është në epërsi 46-27. Epërsi që ka ardhur duke u thelluar në pjesën e tretë në 64-42, pasi Studenti ka fituar 18-15. E ndërsa Gjika ka ikur me 5 gabime personale, Mema është ulur në stol.

E pjesa tjetër e lojës së Studentit është me vajza të reja. 21-16 dhe në përfundim 85-58 për Studentin, që dje ka pasur një rekordmene të kampionatit në fushë si Mema me 44 pikë të shënuara. Studenti bën dhe një hap tjetër për të qenë në katër skuadrat e kampionatit për titull “kampion”.

Studenti – Skënderbeu 85-58

(23-9, 23-18, 18-15, 21-16)

Studenti: Huta (5), Mema (44), Metani (4), Naçollari (13), Vata (13)/Aliaj (2), Duqi (2), Halili (2), Konini, Shima Trajnere: F.Mitku

Skënderbeu: Çomollari (3), Gjika (5), Haris (9), Llazar (20), Toska (6)/Hysenllari (2), Jahollari, Pëllumbi (13), Shallo Trajnere: N.Gjika

Gjyqtarë: J.Gokaj, H.Trajer (Shkodër)

Kampionati Kombëtar

i Basketbollit – Femra

Kategoria e Parë

Java e 12-të

(17-18 shkurt 2017)

Të premten:

Studenti – Skënderbeu                  85-58

Goga Basket – Kamza Basket       nuk u zhvillua

Të shtunën:

Apolonia – Flamurtari                     ora 11:00

Vllaznia – Elbasani                         ora 12:00

Tirana                                                 pushim

Renditja

Nr.       Skuadra                     N.        F.         H.        Psh-Pp           Pikë

1. Tirana                         10        10          0        714-612         20
2. Goga Basket             10          9          1        876-566         19
3. Flamurtari                  10          8          2        784-631         18
4. Studenti                     10          6          4        669-615         16
5. Vllaznia                     10          5          5        670-645         15
6. Elbasani                    10          3          7        720-756         13
7. Skënderbeu              10          3          7        622-723         13
8. Apolonia                    10          1          9        585-838         11
9. Kamza Basket          10          0        10        504-852         10