Tirana e nis me “malore” ndeshjen ndaj Studentit, por në fund ia del të fitojë. Thuhet kështu, sepse Studenti falë lojës së saktë të Lalajt, Naçollarit, Halilit dhe nën organizimin e mirë të Metanit ia ka arritur të shkëputet në 0-8, 2-13, 4-15. Por vetëm kaq, sepse Borova nis të lëvizë jo vetëm me pushimet e tij, por dhe me ndërrimet e shpeshta dhe Tirana tjetërsohet.

Që do të thotë se pas barazimit 15-15, pjesa e parë është fituar nga bardheblutë 17-15, ndërsa rezultati i pjesshëm ka qenë 13-0 për Tiranën. Pjesa e dytë është më e ekuilibruar, edhe sepse Studenti nuk kërkon të dorëzohet lehtë. Madje kjo pjesë ka përfunduar në barazim 14-14, kurse Tirana ishte në pushim vetëm me dy pikë diferencë epërsi, 31-29.

Aq sa u krijua përshtypja tek të pranishmit në “Fahrije Hoti” që mund të ndodhë një tjetër surprizë e pakëndshme si ajo e një jave më parë kur fitoi Vllaznia. Mirëpo Tirana nuk lëshon. Dhe ajo që ka vendosur fatin e ndeshjes ka qenë pjesa e tretë, e fituar nga vajzat bardheblu 19-5 dhe në total 50-34. Fitore që më pas është thelluar në pjesën e katërt, të cilën sërish e ka fituar Tirana, 24-18 dhe në total 74-52.

Kështu bardheblutë kthehen tek suksesi i munguar. Për Studentin duhet përmendur forma e mirë e Metanit dhe Lalajt, dy pikat kryesore të skuadrës së Mitkut, që nuk mundën ta shmangin disfatën në “Fahrije Hoti”.

Tirana – Studenti                  74-52

(17-15, 14-14, 19-5, 24-18)

Tirana: E. Bujari (20), Konini (8), Hoxhaj (8), Gjoni (17), Aliaj / G. Bujari (10), Duqi, E. Aliaj (8), Nelaj (2), Huta (1). Trajner: E. Borova

Studenti: Lalaj (19), Naçollari (2), Halili (8), Shima, Metani (22) / Kici, Baraj (1). Trajnere: F. Mitku

Gjyqtarë: E. Allaraj, E. Tiko (Tiranë)

Kampionati Kombëtar

i Basketbollit – Femra

Kategoria e Parë

Java e 11-të

(18-19 dhjetor 2015)

Të premten:

Tirana – Studenti                             74-52

Kamza Basket – Goga Basket       50-70

Të shtunën:

Vllaznia – Elbasani             ora 12:00

Skënderbeu – Flamurtari   ora 17:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari 9        9          0          687-519         18
2. Goga Basket 10        7          3          725-632         17
3. Tirana             10        7          3          720-645         17
4. Vllaznia 9        5          4          606-580         14
5. Skënderbeu 9        5          4          657-636         14
6. Studenti 10        3          7          555-697         13
7. Kamza Basket 10        2          8          494-589         12
8. Elbasani 9        0          9          472-617         9