ASNN – Kampionati Kombëtar i Basketbollit për Femra ka luajtur dje ndeshjen e fundit të javës së tij të dytë dhe Studenti ka korrur fitoren e parë të sezonit, duke mposhtur thellë, 83-41, skuadrën e Përmetit, që është debutuese këtë sezon në nivelin e të rriturave, pasi ka ardhur si kampione e të rejave.
Por skuadra e drejtuar nga i mirënjohuri Et’hem Kaso ka dëshmuar se ka ende për të mësuar në nivelin e më të mirave, pasi i ka humbur të 4 pjesët e lojës në Sallën Sportive të Bathores përballë Studentit. 10-minutëshi i parë, i humbur 4-19, ka treguar se studentoret nuk do të kishin problem për të fituar, në një ndeshje ku pati “çudira”.
Ndërkaq, të shtunën, Flamurtari ka marrë kryesimin në Kategorinë e Parë të Kampionatit Kombëtar të Basketbollit për Femra pas fitores së dytë radhazi të sigluar ndaj Tiranës me shifrat 84-72. Po të shtunën, Elbasani mundi Kamza Basketin në shifrat e përgjithshme 77-61. Ka shfrytëzuar faktorin fushë duke bërë “bis” në kampionat edhe Skënderbeu, që, pas suksesit 75-67 kundër Vllaznisë, mban hapin e kampioneve
Studenti – Përmeti 83-41
(19-4, 21-10, 24-10, 19-17)
Studenti: Mema (28), Lalaj (16), Metani (15), Shima, Naçollari (9) / Halili (11), Dragoni (4), Baraj, Leka, Skënderi, Vani. Trajnere: F. Mitku
Përmeti: An. Çangollari, Çomollari (17), K. Fekollari (2), Jaçe (11), Lamçe (1) / Bektashi, Dalipaj (6), Halilaj (4), Meçani. Trajner: E. Kaso
Gjyqtarë: A. Minarolli, F. Jaçe (Tiranë)
Kampionati Kombëtar
i Basketbollit – Femra
Java e dytë
(25-26 tetor 2014)
Elbasani – Kamza Basket 77-61
Flamurtari – Tirana 84-72
Skënderbeu – Vllaznia 75-67
Studenti – Përmeti 83-41
Apolonia pushim
Renditja
Nr. Skuadra N. F. H. Psh-Pp Pikë
- Flamurtari 2 2 0 166-110 4
- Skënderbeu 2 2 0 152-117 4
- Tirana 2 1 1 176-149 3
- Studenti 2 1 1 133-118 3
- Elbasani 2 1 1 142-165 3
- Apolonia 1 1 0 85-59 2
- Vllaznia 2 0 2 126-160 2
- Përmeti 2 0 2 79-165 2
- Kamza Basket 1 0 1 61-77 1
