Studenti është e vetmja skuadër gjysmëfinaliste e Kupës së Shqipërisë në Basketboll për Femra, e cila është kualifikuar duke luajtur.

Edhe pse ndeshja me Kamza Basket ka qenë e planifikuar për t’u zhvilluar në ora 19:00 në sallën kryesore të Pallatit të Sportit “Asllan Rusi”, ajo me pëlqimin e të dy palëve është zhvilluar në Sallën Sportive të Bathores.

Vajzat e trajneres Mitku kanë fituar pjesën e parë 17-11. Janë munduar kamzalijet që të kundërvihen, por e dyta është barazim 18-18 dhe në total, 35-27 për Studentin.

Kjo e fundit e ka fituar dhe pjesën e tretë, me shifrat 18-16 dhe e ka thelluar kryesimin e saj, 53-43.

Mandej Kamza Basket ka fituar pjesën e fundit 9-10, por fitorja e Studentit nuk është cënuar, që ka qenë në shifrat 62-53.

Studenti – Kamza Basket                62-53

(17-11, 18-18, 18-16, 9-10)

Kupa e Shqipërisë 2016

Basketboll – Femra

Rezultatet teknike të çerekfinaleve:

Të martën:

Flamurtari – Elbasani                      20-0 (në tavolinë)

Goga Basket – Vllaznia                  20-0 (në tavolinë)

Tirana – Skënderbeu                      20-0 (në tavolinë)

Të mërkurën:

Studenti – Kamza Basket               62-53

Salla Sportive e Bathores