ASNN – Basketboll, Liga Unike zhvillon javën e 7-të të saj, përballja Tirana-Flamurtari erdhi drejtpërdrejt në Rrjetin e RTSH-së. Liga Unike e basketbollit për femra ka luajtur të martën takimet e javës së 7-të të fazës së grupeve, teksa dy ndeshje janë luajtur në Kosovë dhe njëra në Tiranë. Veprimtaria mbarëkombëtare e basketbollit midis Shqipërisë dhe Kosovë, Liga Unike, vijon fazën e grupeve dhe të martën janë luajtur të 3 takimet e saj, teksa dy prej tyre janë luajtur në Kosovë dhe njëri në Tiranë.
Pikërisht ky i fundit, dueli midis Tiranës dhe Flamurtarit, është sjellë për sportdashësit drejtpërdrejt nga Rrjeti i Radio-Televizionit Shqiptar, në kanalin RTSH 3. Kjo sfidë është karakterizuar nga lufta e fortë sportive dhe rivaliteti dhe nga përmbysjet e shifrave. Kështu, është Tirana që e mbizotëron dhe e fiton 10-minutëshin e parë, 20-12, por Flamurtari do të reagojë në atë të dytin, duke e fituar atë me shifrat 21-11 dhe duke shkuar kështu në pushimin e madh midis dy gjysmave me dy pikë epërsi, 33-31.
10-minutëshi i 3-të ka parë skuadrat të dalin në parket duke luftuar për çdo pikë, por janë vajzat bardheblu që e fitojnë atë 19-15 dhe janë ato që kryesojnë pas një gjysmë ore lojë, me dy pikë epërsi 50-48. 10-minutëshi i 4-t dhe i fundit do të jetë i luftuar “dhëmb për dhëmb” dhe është Tirana që e fiton betejën e nervave dhe e merr këtë fraksion loje 12-11 dhe gjithë ndeshjen 62-59. Tirana korr fitoren e 3-të këtë sezon, ndërsa Flamurtari pëson humbjen e 5-të në fazën e grupeve të Ligës Unike në basketboll për femra.
Në dy takimet e tjera, Tirana është mundur në fushën e vet nga Prishtina, me rezultatin 56-71, ndërsa në Pejë, Penza është mundur nga Bashkimi 62-66.
Liga Unike 2025
Basketboll – Femra
Java e 7-të:
Tirana – Prishtina 56-71
Penza – Bashkimi 62-66
Flamurtari – Partizani 51-55
Renditja
Nr. Skuadra N. F. H. Pikë
- Bashkimi 7 7 0 14
- Prishtina 7 6 1 13
- Penza 7 3 4 10
- Tirana 7 3 4 10
- Flamurtari 7 2 5 9
- Partizani 7 1 6 8
