Punimet në “Ramazan Njala” e sjellin Kupën e Shqipërisë në basketbollpër femra në “Asllan Rusi”. “Kupa e Shqipërisë në basketboll për femra, më 12 dhe 13 shkurt, do të zhvillohet në Pallatin e Sportit “Asllan Rusi”. Kështu ka lajmëruar për të gjithë mediat shqiptare Sekretari i Përgjithshëm i Federatës Shqiptare të Basketbollit, Korab Llazani, sepse ditën e djeshme janë lajmëruar nga klubit shumësportësh “Teuta” për punime në Pallatin e Sportit “Ramazan Njala”.

Pikërisht nëpërmjet një “e-mail”-i zyrtar, shefi i klubit shumësportësh Teuta, Kreshnik Leka, ka njoftuar Federatën Shqiptare të Basketbollit për punimet e pjesshme në Pallatin e Sportit “Ramazan Njala”. “Ju informojmë se finalet e Kupës së Shqipërisë në basketboll për femra, të parashikuara për t’u zhvilluar në Durrës më 12 dhe 13 shkurt, nuk mund të zhvillohen për faktin se Pallati i Sportit “Ramazan Njala” po i nënshtrohet një rikonstruksioni të pjesshëm”, – shkruhet në të.

Për rrjedhojë Federata Shqiptare e Basketbollit, pa ndryshuar datat dhe oraret, ka vendosur që kjo kupë të luhet në Pallatin e Sportit “Asllan Rusi”, ndërsa kështu ky trofe rikthehet pas katër vjetësh në kryeqytet. Asokohe pat fituar Tirana, 67-61 në finalen përballë Flamurtarit. Kurse sivjet duhet parë, ndërsa tashmë kthehet stafeta nga ana e kryeqytetasve, sepse janë dhe Kamza Basket, edhe Tirana, sikurse dhe Flamurtari e Skënderbeu.

Ndërkohë ky ndryshim nuk duket se ka të bëjë me kombëtaren e basketbollit të femrave, e cila më 24 shkurt 2016 do të presë Italinë në Pallatin e Sportit “Ramazan Njala” të Durrësit, kur më parë, më 20 shkurt 2016, do të jetë në vizitën e Britanisë së Madhe.

Kupa e Shqipërisë

Basketboll – Femra

Kalendari i fazëns finale:

(Pallati i Sportit “Asllan Rusi”, Tiranë)

Gjysmëfinalet

12 shkurt 2016:

Flamurtari – Kamza Basket                        ora 16:00

Tirana – Skënderbeu                                  ora 18:00

13 shkurt 2016:

Finalja                                                            ora 17:00