Skuadra universitare e Tianxhinit ka dhënë dje leksione basketbolli dhe në kushtet e një të ftohti të acartë. Skuadra e Mitkut mundohet të mbledhë ajkën e sportit të koshit, fundi humbje me 49 pikë, 44-93. Dhe kinezet të shpejta në sulm, të sakta në depërtime e tyre në zonën e mbrojtjes së Studentit, gjakftohtë dhe shumë të sakta dhe në gjuajtjen për tre pikë, kanë zhvlerësuar dhe idenë e trajneres Fiorentina Mitku për të mbledhur ajkën e basketbollit të femrave në vend.
Ka pasur si ndihmëse Migena Plasën e Flamurtarin, por në të njëjtën kohë nga ekipi kampion në fuqi dhe fituese e Superkupës së Shqipërisë ka pasur në lojë Karolina Kostallarin, Elektra Zykajn dhe Igena Qypi. Ashtu sikurse kishte marrë dhe Papën e Skënderbeut. Mirëpo diferencat janë të dukshme që në pjesën e parë, atje ku Xhiao bëhet “vrastare” me trepikëshat e saj dhe në fund të pjesës së parë janë shifrat 9-24 për mikeshat.
Kinezet nuk lëshojnë, përkundrazi thellojnë dhe kur pjesën e dytë e kanë fituar 14-29, fundi i pjesës së parë shënon një epërsi prej 30 pikësh diferencë për Universitetit Tianxhin, 23-53. Vetëm në pjesën e tretë Studenti është munduar të rivalizojë, ndërsa ajo që duhet thënë se kanë qenë jo në ditën e tyre më të mirë titullaret e formacionit të Mitkut. 10-14 është pjesa e tretë për kinezet, të cilat kanë fiksuar rezultatin e thellë, 33-67.
Dhe pjesa e katërt, atëherë kur janë aktivizuar dhe rezervat ka qenë më me pak mbresa për lojën e Studentit, që në fund është mundur me 49 pikë, 44-93. Ndoshta edhe për atë se të ardhurat si pika të forta nga skuadrat e tjera nuk dhanë asgjë të mirë, e vetmja që doli mbi sipërfaqje ishte Zykaj, atëherë do të ishte e mira që Studentit të kishte luajtur me lojtaret e veta.
Studenti – Universiteti Tianxhin 44-93
(9-24, 14-29, 10-14, 11-26)
Studenti: Kostallari (6), Zykaj (20), Lalaj (2), Mema (9), Metani (2) / Qypi, Naçollari, Ismeti (3), Halili, Papa, Shima, Jani (2). Trajnere: F. Mitku
Universiteti Tianxhin: Zhifang (6), Siji (10), Xhixuan (2), Xhiao (16), Di (21) / Ning (11), Shu-xhie (6), Tianshan (14), Xhuseng (5), Fan (2). Trajner: Li Hong Xhuan
Gjyqtarë: M. Kasëmi, J. Muho (Tiranë)
