Në mesin e pjesës së tretë, gjyqtari Adrian Dulçe ka vërejtur një faull të Vatës në sulm ndaj Gjonajt, ndërsa ka dhënë dhe një gabim teknik për të, ndoshta për fyerje.

Kaq ka mjaftuar që kapitenia e Kamza Basket të nxehet, por dhe të kërkojë të sqarohet me gjyqtarin në përfundim të ndeshjes.

Është i njëjti gjyqtar me të cilin ka pasur edhe një përplasje të tillë gati dy vjet më parë në Sallën Sporti “Farie Hoti” në kryeqytet, kur Tirana do të fitonte 66-56.

E në fakt ka kërkuar që të sqarohet në fundin e ndeshjes, por është mbajtur nga lojtaret e Kamza Basketit.

Ndërsa stafi drejtues i këtij ekipi jo pak ka pasur kontestime për gjykimin e Dulçes në këtë ndeshje.

Megjithatë gjithçka është mbyllur paq dhe gjyqtarët Dulçe e Kasmi së bashku me vëzhguesin Gëzim Hoxha janë larguar qetësisht nga Bathorja, atje ku Tirana mundi mbrëmë Kamza Basket në basketboll për femra.

Kampionati Kombëtar

i Basketbollit – Femra

Java e 9-të

(3-5 dhjetor 2015)

Të premten:

Kamza Basket – Tirana                   51-62

Të shtunën:

Flamurtari – Goga Basket               ora 11:00

Vllaznia – Studenti                          ora 12:00

Skënderbeu – Elbasani                  ora 16:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari 7          7          0          555-405         14
2. Tirana             8          6          2          574-519         14
3. Goga Basket 7          6          1          510-421         13
4. Vllaznia 7          3          4          460-468         10
5. Skënderbeu 7          3          4          478-501         10
6. Studenti 7          3          4          411-486         10
7. Kamza Basket 8          1          7          373-450         9
8. Elbasani 7          0          7          349-463         7