Flamurtari merr Kupën e Shqipërisë në basketboll për femra dhe ka vërtetuar se nuk ka askush ta ndalë. Hera e 17-të për vajzat e Viron Toskës, të cilat dje e kanë dominuar ndeshjen nga fillimi deri në fund. Nuk kanë lënë asnjë shteg për bardheblutë, të cilat duket se kanë qenë në një ditë “jo”. Aq sa dhe koshi në shumicën e tentativave për gjuajtje u është mbyllur në mënyrë hermetike, edhe atëherë kur kanë qenë të vetme dhe poshtë tij.
Tirana, edhe pse për Toskën ka një skuadër shumë të mirë dhe do të jetë ajo rivalja e Flamurtarit për titull kampion, përsëri ka shumë diferenca me vlonjatet. Janë dy skuadra që në një farë mënyrë kanë “ajkën” e basketbollit shqiptar, atje ku mbështetet në shumicën e rasteve edhe kombëtarja. Kostallari, Plasa, Zykaj, Palko dhe Myrto, që deri në minutat e fundit thuajse nuk kanë lëvizur aspak nga parketi, përballë Eliverta e Gera Bujarit, Adelajde Aliajt, Hoxhës dhe Gjonit, kanë treguar se kanë më shumë përvojë, më shumë qetësi dhe dinë të zgjidhin dhe administrojnë finale të tilla.
Flamurtari ka treguar maturi edhe në marrjen e faulleve, ndërsa Tirana ka demonstruar nervozizëm, aq sa tre gabime teknike për protesta ndaj vendimeve të gjyqtarit janë pasojë e kësaj loje. Dhe në përfundim, Tirana është detyruar t’i shtrëngojë dorën Flamurtarit, ndërsa kështu duhet të presë edhe një sezon tjetër për të shpresuar ta marrë Kupën e Shqipërisë, që mbetet për herë të fundit më 2012-ën.
Kupa e Shqipërisë
Basketboll – Femra
Libri i Artë i fitueseve:
1956 Puna e Tiranës
1957 Tirana A
1960 17 Nëntori
1961 17 Nëntori
1962 Vllaznia
1963 17 Nëntori
1965 17 Nëntori
1966 17 Nëntori
1967 17 Nëntori
1968 17 Nëntori
1969 17 Nëntori
1970 17 Nëntori
1971 17 Nëntori
1972 Apolonia
1973 Labinoti
1974 Apolonia
1975 Lokomotiva
1976 17 Nëntori
1977 17 Nëntori
1978 Flamurtari
1979 17 Nëntori
1980 Skënderbeu
1981 Skënderbeu
1982 Skënderbeu
1983 Flamurtari
1984 17 Nëntori
1985 Flamurtari
1986 17 Nëntori
1987 Flamurtari
1988 Vllaznia
1989 17 Nëntori
1990 Flamurtari
1991 Skënderbeu
1992 Elbasani
1993 Tirana
1994 Flamurtari
1995 Tirana
1996 Flamurtari
1997 Tirana
1998 Skënderbeu
1999 Skënderbeu
2000 Flamurtari
2001 Luftëtari
2002 Luftëtari
2003 Flamurtari
2004 Flamurtari
2005 Tirana
2006 Flamurtari
2007 Flamurtari
2008 Flamurtari
2009 Flamurtari
2010 Flamurtari
2011 Flamurtari
2012 Apolonia
2013 Tirana
2014 Flamurtari
2015 Apolonia
2016 Flamurtari
