Flamurtari është fitues i Kupës së Shqipërisë në basketboll për femra për vitin 2016. Skuadra vlonjate ka mundur në finale Goga Basketin me rezultatin 72-79, ndeshje kjo e luajtur në Pallatin e Sportit “Ramazan Njala” në Durrës. Takimi fillon më mirë për skuadrën vlonjate që shënon pikët e para.

Basketbollistet e Flamurtarit janë më të sakta në gjuajtje dhe arrijnë ta mbyllin pjesën e parë me 20 pikë diferencë. Në pjesën e dytë, lojtaret e Goga Basket mundohen të ngushtojnë diferencën por pa mundur të kalojnë asnjëherë në epërsi. kështu me rezultatin përfundimtar, 72-79, Flamurtari arrin të fitojë kupën e Shqipërisë trofeun e parë sezonal në basketboll për femra.

Në fakt, duke iu rikthyer analizës së ndeshjes, Elektra Zykaj është kthyer në formën e saj maksimale (edhe pse më vonë do të dëmtohet sërish, ndërsa nën organizimin e Myrtos, ndërsa në një gjendje të mirë janë dhe Plasa, Kostallari e Marjanoviç, Flamurtari tregon diferencën që në pjesën e parë. Vlonjatet e kanë fituar atë 27-7.

30-9 në fillimin e pjesës së dytë dhe me shumë vështirësi Goga Basket arrin vetëm të ngushtojë, teksa këtë 10-minutësh e dytë e ka fituar 15-24 dhe në total Flamurtari kryeson me 12 pikë diferencë, 45-33. Goga Basket e vazhdon lojën e saj të mirë dhe fiton pjesën e tretë 16-21 dhe është vetëm 7 pikë larg Flamurtarit, 61-54.

Megjithatë Flamurtari mbahet, fiton pjesën e fundit 21-20 dhe në fund 79-72 duke u konfirmuar si ekipi më në formë për momentin në basketboll për femra. Trofeun kapitenes së Flamurtarit, Migena Plasa ia dorëzoi presidenti i Federatës Shqiptare të Basketbollit, Avni Ponari. Të dy ndeshjet finale të Kupës së Shqipërisë në basketboll, për femra e meshkuj u transmetuan drejtpërdrejt nga Rrjeti i Radio-Televizioni Shqiptar, në kanalin e dytë tokësor, TVSH2 dhe në atë RTSH Sporti të platformës dixhitale.

Flamurtari – Goga Basket                79-72

(27-7, 15-24, 16-21, 21-20)

Flamurtari: Myrto (13), Zykaj (17), Plasa (8), Marjanoviç (26), Kostallari (5) / Çorto (9), Palko (1). Trajner: V. Toska

Goga Basket: Lalaj (6), Qypi (19), Harden (1), Mehmeti (12), Omerbashiç (11) / Baraj (4), Xhanaj (19), Papa. Trajner: H. Moja

Gjyqtarë: E. Koçi (Tiranë), M. Kasëmi (Vlorë), J. Gokaj (Shkodër)

Kupa e Shqipërisë

Basketboll – Femra

Gjysmëfinalet:

(28 nëntor 2016)

Të hënën:

Flamurtari – Studenti                       95-55

(17-18, 28-5, 23-7, 27-25)

Goga Basket – Tirana                     95-61

(18-15, 27-20, 30-7, 20-19)

Finalja

(29 nëntor 2016)

Të martën:

Flamurtari – Goga Basket                79-72

(27-7, 15-24, 16-21, 21-20)