ASNN – Flamurtari ka marrë kryesimin në Kategorinë e Parë të Kampionatit Kombëtar të Basketbollit për Femra pas fitores së dytë radhazi të sigluar ndaj Tiranës me shifrat 84-72. Janë kryeqytetaset që kryesojnë përkohësisht me Zykën, një “ish”, me shifrat 7-3. Hasanaj tregohet e saktë poshtë koshit dhe ngushton shifrat 8-11. Qypi, Hasanaj dhe Myrto janë protagoniste për vendëset dhe mbyllin pjesën e parë në favor të tyre, me shifrat 24-23.

Në fund të pjesës së dytë, kampionet kryesojnë 49-42 për të vulosur suksesin edhe falë Komtit dhe Plasës. U dallua dje për vlonjatet edhe Rrapaj. Ndërkaq, Elbasani mundi dje Kamza Basketin në shifrat e përgjithshme 77-61. Ka qenë një ndeshje më e mirë për elbasanaset e trajneres Elvira Xhyra, të cilat për asnjë moment nuk e vunë në diskutim fitoren ndaj periferikeve të kryeqytetit, të drejtuar tashmë nga veterani i pankinave të basketbollit shqiptar, Roland Avrami.

Pjesa e parë u mbyll në shifrat 17-10, ndërsa në të dytën diferenca u thellua edhe më tej, sepse sërish elbasanaset fituan 19-14. Edhe në pjesën e tretë vijon i njëjti ritëm me elbasanaset që e mbyllin me rezultatin 20-15. E katërta mbyllet 21-22 dhe e gjithë sfida përfundon 77- 61. Ka shfrytëzuar dje faktorin fushë duke bërë “bis” në kampionat edhe Skënderbeu, që, pas suksesit 75-67 kundër Vllaznisë, mban hapin e kampioneve. Java e dytë mbyllet sot me takimin Studenti-Përmeti në orën 11:00.

Flamurtari – Tirana                84-72

(24-23, 25-19, 14-13, 21-17)

FLAMURTARI: Myrto, Kostallari, Plasa, Hasanaj, Komti, Qypi, Rapaj, Hysaj, Kasaj, Palko. Trajner: V. Toska

TIRANA: G. Bujari, Huta, Hoxha, Gjoni, E. Bujari, Zykaj, Nelaj, Konini, Aliaj. Trajner: E. Borova

GJYQTARË: B. Bodani, H. Truja

ELBASANI – KAMZA BASKET      77-61

(17-10, 19-14, 20-15, 21-22)

ELBASANI: Gjata, Rusta, A. Xhyra, J. Sylenji, Qosja/M. Sylenji, Ahmetaj, Zenuni, K. Xhyra, Lushnjari, Miftari, Shabani. Trajnere: E. Xhyra

KAMZA BASKET: Ymeri, Musta, Sinani, Hoxha, Sokoli / Vata, Matka, Ndreu, Uka, Xhepa, Ismeti, Kuçi. Trajner: R. Avrami

GJYQTARË: J. Gokaj, S. Tafilica (Shkodër)

Kampionati Kombëtar

i Basketbollit – Femra

Java e dytë

(25-26 tetor 2014)

Elbasani – Kamza Basket              77-61

Flamurtari – Tirana                          84-72

Skënderbeu – Vllaznia                   75-67

Studenti – Përmeti                           (sot ora 11:00)

Apolonia                                            pushim

Renditja

Nr.       Skuadra                     N.        F.         H.        Psh-Pp           Pikë

1. Flamurtari             2          2          0          166-110         4
2. Skënderbeu             2          2          0          152-117         4
3. Tirana             2          1          1          176-149         3
4. Elbasani             2          1          1          142-165         3
5. Apolonia             1          1          0             85-59           2
6. Vllaznia             2          0          2          126-160         2
7. Kamza Basket 1          0          1             61-77           1
8. Studenti             1          0          1             50-77           1
9. Përmeti             1          0          1             38-82           1