ASNN – Për kampionet në fuqi të basketbollit për femra, ajo në shtëpi ndaj Skënderbeut ka qenë një ndeshje, e cila është dominuar nga fillimi deri në fund. Trajneri Toska ka aktivizuar në këtë ndeshje dhe shumë nga vajzat e reja. E duke parë edhe ecurinë e ndeshjes të njëjtën gjë ka bërë edhe homologu i tij korçar.
Flamurtari e nis shpejt dhe merr menjëherë kryesimin në ndeshje duke krijuar avantazhin që e bën të luajë i qetë dhe pa asnjë shqetësim. Dhjetë minutat e para janë mbyllur në avantazhin 26-17 për vlonjatet. Edhe në 10 minutat e dyta Flamurtari vijon të luajë më mirë, paçka se në parket ka alternim të lojtareve me përvojë me ato të reja.
Skënderbeu, pavarësisht dëshirës së mirë, nuk ka arritur t’i bëjë dot ballë Flamurtarit. Pjesa e parë mbyllet në shifrat 45-33 për Flamurtarin, ndërsa me rifillimin e lojës 10 minutat e treta flasin më shumë për ekipin kundërshtar. Flamurtari luan vetëm me lojtaret e reja.
Rezultati ngushtohet deri në 2 pikë, por vetëm kaq. Në periodën e fundit gjithçka ka ndryshuar, ndërsa janë plot 29 pikë të shënuara nga vlonjatet kundrejt 12 të Skënderbeut dhe në fund 89-63 për Flamurtarin, që tashmë kryeson me pikë të plota, 8, pas 4 javësh kampionat.
Flamurtari – Skënderbeu 89-63
(26-17, 19-16, 15-18, 29-12)
Flamurtari: Myrto, Palko, Plasa, Kostallari, D. Hasanaj / K. Hasanaj, Zykaj, Rrapaj, Lloi, Hysaj, Kasaj, Bleta. Trajner: V. Toska
Skënderbeu: Harris, Toska, Doja, Llazari, S. Papa, E. Papa / Shallo, Jahollari, Hysenllari, Gjika, Pëllumbi. Trajner: E. Papa
Gjyqtarë: G. Cici, O. Kasmi (Tiranë)
Kampionati Kombëtar
i Basketbollit – Femra
Java e katërt
(23-25 tetor 2015)
Të premten:
Studenti – Tirana 62-68
Të shtunën:
Flamurtari – Skënderbeu 89-63
Elbasani – Vllaznia 63-79
Të dielën:
Goga Basket – Kamza Basket ora 11:00
Renditja
Nr. Skuadra N. F. H. Psh-Pp Pikë
- Flamurtari 4 4 0 333-208 8
- Tirana 4 3 1 266-249 7
- Vllaznia 4 2 2 265-245 6
- Skënderbeu 4 2 2 280-278 6
- Goga Basket 3 2 1 213-188 5
- Studenti 4 1 3 215-298 5
- Kamza Basket 3 1 2 96-129 4
- Elbasani 4 0 4 162-235 4
