Flamurtari fiton dhe kryeson bindshëm, por kushtet në të cilat është luajtur në “Asllan Rusi” nuk ka lidhje me atë që kërkohet për rritjen cilësore të lojës së koshit. Nivelit të ulët i shtohet indiferentizmi i publikut, por infrastruktura “copë-copë” e “Asllan Rusit”. Toska vendos që ta nisë lojën me të rejat, ndërsa në fushë është lojtarja e përvojës Myrto.

Studenti e ka marrë shtruar dhe me ato vajza që ka titullare të vazhdueshme, gjithnjë në mungesë të Memës së dëmtuar, ia ka dalë që të fitojë pjesën e parë 17-14. Edhe pse Toska ka futur Kostallarin, Palkon e Plasën sërish gjërat nuk është se ndryshojnë, sepse Studenti e ka fituar pjesën e dytë 19-16 dhe në total në pushim kryeson me shifrat 36-30.

Por këtu “fiket” skuadra vendëse, sepse Flamurtari nis të marrë frenat e lojës në dorë dhe arrin që të përmbysë, ndërsa në fund të pjesës së tretë kryeson 40-45. Kështu ka bërë edhe në pjesën e katërt, të cilën e ka fituar 12-20 dhe në total 52-65. Kësisoj Flamurtari 9 ndeshje, 9 fitore dhe asnjë humbje është e pandalshme nga të gjithë në këtë kampionat.

Ajo që duhet evidentuar është fakti dje kanë luajtur nënë e bijë përballë njëra-tjetrës si kundërshtare, Plasa për Flamurtarin dhe Vani për Studentin.

Studenti – Flamurtari 52-65

(17-14, 19-16, 4-15, 12-25)

Studenti: Halili (9), Naçollari (2), Metani (14), Lalaj (17), Shima (8)/Jani, Baraj, Vani (2) Trajnere: F.Mitku

Flamurtari: D.Hasanaj, Hysaj (12), Kasaj (6), Myrto (18), Rrapaj (14)/Kostallari (6), Lloi, Palko (2), Plasa (7) Trajner: V.Toska

Gjyqtarë: Y.Harasani, A.Bejko (Tiranë)

Kampionati Kombëtar

i Basketbollit – Femra

Java e 10-të

(11-12 dhjetor 2015)

Të premten:

Studenti – Flamurtari                      52-65

Të shtunën:

Tirana – Vllaznia                              ora 12:00

Goga Basket – Skënderbeu           ora 12:00

Elbasani – Kamza Basket              ora 16:00

Renditja

Nr.       Skuadra                     N.        F.         H.        Psh-Pp           Pikë

1. Flamurtari 9          9          0          687-519         18
2. Goga Basket 8          6          2          572-488         14
3. Tirana             8          6          2          574-519         14
4. Vllaznia 8          4          4          532-508         12
5. Skënderbeu 8          4          4          563-553         12
6. Studenti 9          3          6          503-623         12
7. Kamza Basket 8          1          7          373-450         9
8. Elbasani 8          0          8          401-548         8