Flamurtari në basketboll për femra duket se nuk njeh rival as këtë sezon. Një ndeshje që ka pasur shumë pak histori ka qenë ajo e djeshmja ndaj Studentit, ndërsa basketbollistet vlonjate e mbyllin gjithçka që në pjesën e parë në shifrat 23-13. Për të vijuar dhe thelluar shifrat në 10 minutat e dyta, duke e mbyllur gjysmën e parë në rezultatin 51-26.

Flamurtari e ka nisur me lojtaret e reja fillimisht ndeshjen, duke aktivizuar me pas edhe titullaret. Në fakt, një alternim i tillë është bërë edhe gjatë dy pjesëve të fundit të ndeshjes. Përkundër dëshirës së Studentit të trajnerit Fiorentina Mitku për të rivalizuar, duket se ka qenë e vështirë dhe, kështu, Flamurtari fiton 92-51 ndaj Studentit në Pallatin e Sportit “Flamurtari”.

Kjo është fitorja e tretë radhazi për skuadrën vlonjate. Vetëm në 5-minutëshin e parë të lojës kanë rezistuar kryeqytetaset, ku rezultati ishte 10- 6, ndërsa pjesa e parë u mbyll 23- 13 për Flamurtarin. Në pjesën e dytë, trajneri Toska aktivizon lojtaret e stolit. Kasaj, Hysaj, Rrapaj, Lloi i detyrojnë kundërshtaret të shënojnë vetëm 2 pikë në 5 minutat e para të pjesës së dytë.

Vetëm Lalaj e Halili nuk e kalojnë shifrën e 13 pikëve, teksa pjesa e dytë mbyllet 28-13. Në pjesën e tretë Flamurtari kthen në lojë përsëri titullaret vetëm 5 minutat e para. Ndërsa vendëset shënojnë 23 pikë, Studenti ndalet në 12 pikë dhe vlonjatet e mbyllin 10-minutëshin e tretë sërish në favor 23-12.

Pjesa e katërt nuk ka shumë histori, ku Flamurtari e fiton atë me rezultatin 18-13 dhe mbyll krejt takimin 92-51 dhe udhëheq e vetme kampionatin.

Flamurtari – Studenti           92-51

(23-13, 28-13, 23-12, 18-13)

Flamurtari: Bleta, D. Hasanaj, K. Hasanaj, Hysaj, Kasaj / Rrapaj, Kostallari, Myrto, Palko, Plasa, Zykaj. Trajner: V. Toska

Studenti: Baraj, Gjoshi, Halili, Jani, Kica / Lalaj, Lama, Metani, Naçollari, Shima, Mema. Trajner: F. Mitku

Gjyqtarë: E. Hoxhaj (Vlorë), G. Basho (Shkodër)

Kampionati Kombëtar

i Basketbollit – Femra

Java e 3-të

(17 tetor 2015)

Kamza Basket – Elbasani  (nuk u zhvillua)

Flamurtari – Studenti                      92-51

Vllaznia – Tirana                              69-77

Skënderbeu – Goga Basket           70-78

Renditja

Nr.       Skuadra                     N.        F.         H.        Psh-Pp                       Pikë

1. Flamurtari             3          3          0          244-145                     6
2. Skënderbeu             3          2          1          217-189                     5
3. Goga Basket 3          2          1          213-188                     5
4. Tirana             3          2          1          198-187                     5
5. Vllaznia             3          1          2          186-182                     4
6. Studenti             3          1          2          153-230                     4
7. Kamza Basket 2          0          2          96-129                      2
8. Elbasani             2          0          2          99-156                      2