ASNN – Goga Basket ka dhënë sinjale të forta rivaliteti për titullin “kampion”, teksa dje në Vlorë, pikërisht në javën e fundit të fazës së tretë, ka mundur Flamurtarin. Në 21 ndeshje kjo është humbja e parë për vlonjatet, të cilat janë njëkohësisht kampione në fuqi të basketbollit shqiptar. Ka qenë një ndeshje me dy pamje, ku në gjysmën e parë Flamurtari ka dominuar dhe luajtur më mirë, ndërsa në pjesën e dytë Toska luan vetëm me vajzat e reja.

Goga Basket vinte edhe përforcuar me dy lojtaret malazeze në formacion, ndërsa loja nis mirë për Flamurtarin, që mbyll pjesën e parë në epërsi 20-14. Në 10 minutat e dyta gjithçka është thuajse e barabartë edhe nga numri i pikëve të shënuara nga të dyja skuadrat, 17 për secilën dhe loja bëhet dhe më shumë interesante. Mbyllet gjysma e parë me fitoren e Flamurtarin 37-31, por, menjëherë pas pushimit zgjohet Goga Basket, ndërsa Flamurtari kërkon të luajë qetë dhe administrojë rezultatin.

Megjithatë pjesa e tretë është më e mirë për skuadrën mike, që mbyll 10 minutat e treta në epërsi të një pike 48-47. Flamurtari luan thuajse gjatë gjithë pjesës së katërt me vajzat e reja, ku duket se ka edhe një acarim me gjyqtarët për vendimet e tyre, çka bën që Goga Basket të mos e ketë të vështirë të krijojë epërsinë dhe fitojë krejt takimin në shifrat 67-54. Flamurtari regjistron humbjen e parë sezonale, ndërsa të mërkurën luan ndaj Tiranës në kryeqytet finalen e Superkupës së Shqipërisë.

Flamurtari – Goga Basket    54-67

(20-14, 17-17, 10-17, 7-19)

Flamurtari: Myrto, Kostallari, Zykaj, Plasa, Palko / Lloi, Bleta, Hysaj, Rrapaj, D. Hasanaj, K. Hasanaj. Trajner: V. Toska

Goga Basket: Përmeti, Baraj, Turçinoviç, Xhanaj, Memush / Popoviç, Qypi, Dishnica, Mehmeti, Kumi. Trajner: A. Greva

Gjyqtarë: O. Kasmi (Tiranë), G. Basho (Shkodër)

Kampionati Kombëtar

i Basketbollit – Femra

Java e 21-të

(30 prill 2016)

Flamurtari – Goga Basket               54-67

Tirana – Elbasani                            95-79

Vllaznia – Kamza Basket               88-52

Skënderbeu – Studenti                  65-68

Renditja

Nr.       Skuadra                     N.        F.         H.        Psh-Pp           Pikë

1. Flamurtari                  21        20          1        1615-1282     41
2. Goga Basket             21        17          4        1796-1318     38
3. Tirana                         21        14          7        1577-1480     34
4. Vllaznia                     21        12          9        1504-1425     33
5. Studenti                     21          7        14        1209-1468     28
6. Kamza Basket          21          6        15        1150-1320     27
7. Skënderbeu              21          6        15        1320-1525     27
8. Elbasani                    21          2        19        1350-1639     22

Faza e “play-off”-it

për titullin “kampion”

Gjysmëfinalet:

Flamurtari – Vllaznia

Goga Basket – Tirana

Shënim: 3 takimet luhen më 10, 13 dhe 17 maj 2016, kjo e fundit nëse do të jetë e nevojshme