Liga Ballkanike në Basketboll për Meshkuj dje ka nisur javën e saj të 7-të me ndeshjet e grupit A. Ajo që bie në sy është se ka qenë dita e kosovarëve, sepse ka fituar Bashkimi i Prizrenit, ashtu dhe SIGAL Prishtina. Madje kanë qenë fitore me vlera, sidomos për prizrenasit, të cilët kanë mundur skuadrën kryesuese të grupit, maqedonasit e Kumanovo 2009, 96-95.

Në fakt është dukur sikur do të jetë një dominim i thellë i maqedonasve, të cilët kanë fituar pjesën e parë 31-13. Mirëpo Bashkimi i Prizrenit ka besuar deri në fund. Ka fituar pjesën e dytë 14-23 dhe, në pushim, maqedonasit kanë qenë në një epërsi prej nëntë pikësh, 45-36. Loja e mirë e ekipit prizrenas ka qenë në pjesën e tretë, të cilët e kanë fituar 17-28 dhe kanë kaluar në epërsi 62-64.

Është luajtur pikë më pikë pjesa e fundit e fituar nga Kumanovo 2009 33-35, por në fund ka fituar Bashkimi i Prizrenit 96-95. Një fitore që e ngjit në vendin e dytë në renditjen e grupit A. Ndërkohë për SIGAL Prishtinën, që ka marrë fitoren e dytë në këtë Ligë Ballkanike, është dashur koha shtesë me malazezët e Teodos pas barazimit 88-88. SIGAL-i e ka nisur mirë ndeshjen, teksa ka fituar pjesën e parë, 29-25.

Më pas, e dyta është barazim 25-25 dhe prishtinasit kanë shkuar në dhomat e zhveshjes në epërsi 54-50. Por malazezët kanë fituar pjesën e tretë 17-23 dhe 71-73 për ta. E fundit është për SIGAL-in, 17-15 dhe 88-88. Në 5-minutëshin shtesë, ka fituar SIGAL Prishtina 10-5. Po kështu ka fituar dhe Beroe Stara Zagora ndaj Kozhuvit. E sot i takon radha grupit B, atje ku vëmendja kryesore do të jetë tek sfida Sallës Sportive “Fahrie Hoti”, Tirana-MKK Feni Industries, që nis në ora 19:00.

Ligës Ballkanike (BIBL)

Basketboll – Meshkuj

Grupi A

Java e 7-të

(6 dhjetor 2016)

Kumanovo 2009 – Bashkimi Prizren       95-96

Beroe Stara Zagora – Kozhuv                   91-85

SIGAL Prishtina – Teodo                            98-93

Renditja

Nr.       Skuadra                     N         F          H         Psh-Pp           Pikë

1. Kumanovo                7          5          2          576-554         12
2. Beroe Stara Zagora 6          4          2          495-485         10
3. Bashkimi Prizren     7          3          4          533-559         10
4. Teodo                         6          3          3          497-482           9
5. Kozhuv                      6          1          5          466-478           7
6. SIGAL Prishtina       4          2          2          322-331          6