Barleti Volej është kampione e dimrit në volejboll për femra, por një set i humbur ndaj Tiranës, si një paraqitje nën nivelin e asaj që skuadra kampione në fuqi disponon e ka lënë të zhgënjyer trajnerin Hasan Gurabardhi. Që do të thotë se, pas nisjes së vrullshme të setit të parë në epërsinë 7-0, Barleti Volej është “fishkur”. Tirana me lojën e mirë të Shkurtit, Nezajt dhe Esmeralda Tucit jo vetëm që afrohet në 6-8, por kalon në epërsi 14-10, 16-11 dhe në fund fiton 25-16.

I dyti mund të konsiderohet si më i miri ai i dyti në të cilin Barleti Volej nuk ka lëshuar për asnjë çast dhe ka fituar 12-25. Por në dy të tjerët, edhe sepse Tirana nuk është dorëzuar lehtë, Barleti Volej ka fituar me vështirësi 21-25 dhe 22-25. Ndaj dhe Gurabardhi nuk ka qenë i kënaqur. Duke iu referuar shifrave, pikëshënuesja më e mirë e ndeshjes Xhixha e Barleti Volejit me 14 pikë e ndjekur nga Braho me 12 pikë, si dhe Bici e Shkurti me 11 pikë.

Në bllok ka dalë fituese Nezaj e Tiranës me pesë mure fituese e ndjekur nga Xhixha e Barleti Volejit me katër të tilla. Kurse në shërbim ka dalë fituese Nezaj e Blloku të Tiranës me tre të sakta, pasuar nga Tuci e Barleti Volejit me dy. Tirana në total në 4 sete ka shënuar 80 pikë prej të cilave 52 pikë vetë dhe 28 kanë ardhur nga gabimet e Barleti Volejit. Në krahun tjetër Barleti Volej në total kishte 91 pikë prej të cilave 66 vetë, kurse 25 pikë janë nga gabimet e Tiranës.

Tirana – Barleti Volej            1-3

(25-16, 12-25, 21-25, 22-25)

Tirana: Shkurti, Nezaj, E. Tuci, Sejfullai (L), Blloku, Hoxha, Pirra / Llaka, Agolli, Lasku. Trajner: A. Gorenca

Barleti Volej: Xheka, Xhixha, Bici, Braho, Thaka, M. Tuci, Fagu (L) / Picaku, Xhelilaj, Hasku. Trajner: H. Gurabardhi

Gjyqtarë: I. Fështi, E. Zguri (Tiranë)

Kampionati Kombëtar

i Volejbollit – Femra

Grupi A1

Java e 7-të

(12 dhjetor 2015)

Tirana – Barleti Volej                       1-3

Flamurtari – Skënderbeu               0-3

Teuta – Partizani                              1-3

Vllaznia – Elbasani                         3-0

Renditja

Nr.       Skuadra         N.        F.         H.        Setet               Pikë

1. Barleti Volej 7          7          0          21-1                21
2. Tirana 7          6          1          19-3                18
3. Skënderbeu 7          5          2          15-8                14
4. Partizani 7          4          3          12-12              12
5. Teuta 7          3          4          10-13              9
6. Vllaznia 7          2          5          9-15              7
7. Elbasani 7          1          6          4-18              3
8. Flamurtari 7          0          7          1-21              0