ASNN – Kampionati Kombëtar i Volejbollit ka zhvilluar dje ndeshjet e dyta të gjysmëfinaleve të “play-off”-it, që janë luajtur përkatësisht në Durrës dhe në Tiranë. Kështu, Barleti Volej e ka mbyllur gjithçka në dy takime, pasi ka fituar në 3 sete edhe në ndeshjen e kthimit në Durrës ndaj Teutës, duke siguruar kështu vendin në finale.

Ndërkaq, Partizani ka mbajtur të hapur betejën në çiftin tjetër, pasi ka fituar 3-1 në përballjen me Tiranën, duke e barazuar kështu rezultatin e duelit në 1-1. Takimi i tretë, që rezultoi të jetë e nevojshme, do të zhvillohet të mërkurën e ardhshme në kryeqytet, gjithashtu duke nisur nga ora 18:00.

Për në finale të Kampionatit Kombëtar të Volejbollit për Meshkuj kualifikohen dy skuadrat që fitojnë 2 nga 3 takimet gjysmëfinale dhe 5 takimet finale do të zhvillohen nga 11 prilli, deri më 24 prill 2015. Kampione në fuqi është Barleti Volej, që ka fituar njëkohësisht edhe trofeun e Kupës së Shqipërisë.

Kampionati Kombëtar

i Volejbollit – Femra

Kalendari i “play-off”-it

Gjysmëfinalet

Ndeshja e parë

(2 prill 2015)

Të enjten:

Barleti Volej – Teuta             3-0

Salla 1, Pallati i Sportit “Asllan Rusi”, Tiranë

Tirana – Partizani                 3-0

Salla Sportive “Fahrie Hoti”, Tiranë

Ndeshja e dytë

(5 prill 2015)

Të dielën:

Teuta – Barleti Volej             0-3

Pallati i Sportit “Ramazan Njala”, Durrës

Partizani – Tirana                 3-1

Salla 1, Pallati i Sportit “Asllan Rusi”, Tiranë

Ndeshja e tretë*

(8 prill 2015)

Tirana – Partizani                 (18:00)

Salla Sportive “Fahrie Hoti”, Tiranë

* Nëse do të jetë e nevojshme