ASNN – Ka përfunduar në paqe sfida midis Shkumbinit dhe Lushnjes, ndonëse të dyja skuadrat u munduan që të merrnin maksimumin nga kjo përballje. Të ndara me nga një pikë, më e kënaqur doli skuadra e Banos, e cila vijon të ruajë vendin e parë në klasifikim, ndërsa peqinasit “notojnë” ende në ujëra të turbullta. Në përgjithësi ka qenë një ndeshje e rivalizuar deri në fund, por sulmuesit e të dyja kampeve janë treguar të pasaktë në raste që kanë pasur.

Përballja nis e qetë nga të dyja skuadrat, që mundohen më shumë të qarkullojnë topin në mesin e fushës dhe të zënë në befasi kundërshtarin. Rasti i parë i rrezikshëm do të vinte nga Çela, i cili me anë të një goditjeje dënimi vë në provë portierin Ajazi, që gjendet në gatishmëri për të ndalur rrezikun. Mirëpo pas këtij momenti do të nisin edhe sulmet e vazhdueshme të vendësve, të cilët i afrohen shumë afër golit në minutën e 37-të me anë të Dervishit.

Por goditja e tij brenda zonës shkon mbi traun e portës, duke i mohuar këtë mënyrë edhe epërsinë skuadrës së Shkumbinit. Pjesa e parë nuk ka më gjë për të shënuar, ndërsa e dyta vijon me po të njëjtin ritëm. Si vendasit dhe miqtë duan të çajnë në mbrojtjet kundërshtare, por që sulmet e të dyja kaheve do të jenë të pasuksesshme deri në fund. Dervishi sërish me fillimin e pjesës së dytë ka një rast të artë për të shënuar, por i vetëm përballë Spahos gabon, me portierin mik që grushton mrekullisht.

Minutat kalojnë dhe Lushnja mbrohet mirë, ndonëse peqinasit mundohen shumë që të shtyjnë përpara. Në fundin e lojës është Lundraxhiu që ka një rast shënimi, por goditja e tij me kokë ndalet në dy kohë nga ana e Spahos. Mbyllet gjithçka 0-0, me lagunarët që marshojnë në rrugëtimin e tyre drejt Superiores, ndërsa peqinasit shohin “ëndrra” të frikshme me Kategorinë e Dytë.

SHKUMBINI – LUSHNJA                0-0

Shkumbini: Ajazi, Lundraxhiu, Turhani, Isai, E. Magani, Sulkja, Kafazi, Lluca, A. Magani (Xhyra 77’), Gjata, Dervishi. Trajner: I. Gjyla

Lushnja: Spaho, Bizhyti, E. Sula, Sulo, Ndoni, Topi, Dërvishi (Gjyla 72’), Ruço, Gjoni, Çela (Baze 46′), Allkanjari. Trajner: A. Bano

Gjyqtarë: E. Demiraj, A. Mema, A. Kamolli (Pogradec)

Kartona të verdhë: Isai, A. Magani / Dervishi, Bizhyti

Kategoria e Parë

Grupi A

Java e 14-të

(14 shkurt 2015)

Mamurrasi – Kamza                        3-0

Besa – Iliria e Fushë-Krujës          0-0

Kastrioti – Besëlidhja                      0-1

Tërbuni – Burreli                              2-0

Veleçiku – Ada Velipojë          (e shtyrë)

Renditja

Nr.       Skuadra                     N.        F.         B.        H.        Gsh-Gp          Pikë

1. Tërbuni             14        11        3          0          21-6                36
2. Mamurrasi             14        11        2          1          27-7                35
3. Besëlidhja             14        10        2          2          29-8                32
4. Iliria Fushë-Krujë 14        4        4          6          12-13              16
5. Burreli             14        5        1          8          15-20              16
6. Kamza 14        4        3          7          11-22              15
7. Kastrioti             14        3        4          7          9-15              13
8. Besa                         14        2        6          6          15-21              12
9. Veleçiku             13        3        1          9          10-24              10
10. Ada Velipojë 13        2        2          9          13-27              8

Grupi B

Java e 14-të

(14 shkurt 2015)

Butrinti – Naftëtari                2-1

Dinamo – Tomori                 1-0

Luftëtari – Pogradeci           2-1

Shkumbini – Lushnja         0-0

Sopoti – Bylis                        (sot)

Renditja

Nr.       Skuadra         N.        F.         B.        H.        Gsh-Gp          Pikë

1. Lushnja 14        7          4          3          18-8                25
2. Dinamo 14        6          5          3          18-12              23
3. Butrinti 14        6          4          4          18-9                22
4. Pogradeci 14        5          4          5          11-11              19
5. Sopoti 13        5          4          4          13-17              19
6. Tomori 14        6          3          5          12-13              18
7. Bylis 13        5          2          6          15-16              17
8. Luftëtari 14        5          2          7          11-16              17
9. Shkumbini 14        4          2          8          15-20              14
10. Naftëtari 14        2          6          6          10-19              12