ASNN – Është zhvilluar java e 12-të e Kampionatit të futbollit amator 9×9 “FSHF Sunday League”. Në grupin A, kryesuesit e ATS u rikthyen te fitorja pasi mundën Panthers Shkodër 1-2, ndërsa IMMI barazoi 1-1 ndaj skuadrës Barrikada dhe tani e sheh veten 3 pikë më pak se kryesuesit e ATS.
Në anën tjetër, skuadra Dymbëdhjeta e mori fitoren në tavolinë 3-0 ndaj Hidro Alfa dhe shkon në kuotën e 28 pikëve, një më pak se ATS. Në ndeshjet e tjera të grupit A, skuadrat e MD, PRIMO MFC, Ferraj FC fituan në sfidat e tyre, teksa u regjistrua edhe një tjetër barazim në takimin Vila L- FB Passion 1-1.
Ndërsa sfida Vatër-Raiffeisen Bank është shtyrë dhe do të luhet në një datë tjetër. Në grupin B, këtë javë gabuan kryesuesit. Dajti i vendit të parë u mund nga skuadra e Antigonean me rezultatin minimal 1-0, ndërsa Kastriotët barazuan me rezultatin 1-1 ndaj Albamer.
Dajti mbetet në vendin e parë me 30 pikë, ndërsa Kastriotët në vendin e dytë me 28 pikë. Në ndeshjet e tjera të grupit B, skuadrat e Friends Team, Gaia Triumph, Coca Cola Tepelena, FC Musa dhe Jata Market fituan në sfidat e tyre, ndërsa Ja Ar Plast e mori fitoren në tavolinë, 3-0 ndaj Roamel.
Më poshtë edhe rezultatet e javës së 12-të të kampionatit të futbollit amator 9×9:
Grupi A
Vila L – FB Passion 1-1
MD – Elso 2-0
Hidro Alfa – Dymbëdhjeta 0-3
PRIMO MFC – Legjendat 9×9 8-3
Panthers Shkodër – ATS 1-2
IMMI – Barrikada 1-1
Ferraj FC – FC Illyrian Eagles 3-2
Grupi B
Roamel – Ja Ar Plast 0-3
Friends Team – FC Confucius 2-1
Al Ar – Gaia Triumph 0-3
Antigonean – FC Dajti 1-0
Kastriotët – Albamer 1-1
Futura Dent- Coca Cola Tepelena 1-3
North Gate – FC Musa 1-5
FC Parku – Jata Market 1-2
