Shqipëria në atletikë për të rritur ka vulosur fundin në Kampionatin Ballkanik, që dje ka përfunduar në Pitesht. Rezultatet e dobëta flasin vetë, ndërsa edhe në ditën e dytë numërohen të pakët ata që janë ngjitur deri në vendin e 7-të, të 8-të e të 9-të. E për rrjedhojë, me një delegacion “shumë e për lumë”, s’kishte ç’bënte tjetër.
Për femra renditet në vendin e 14-të mes 15 ekipeve, kurse për meshkuj jemi të 15-tët mes 16 ekipeve. Dhe në klasifikimin e përbashkët, meshkuj e femra, përsëri jemi të fundit me 11 pikë.
Diçka më mirë ka qenë Kosova, e cila duke marrë pjesë vetëm me meshkujt është renditur në vendin e 13-të me 13 pikë, kurse në të përgjithshmen e 14-ta. Përfundimisht një Ballkaniadë e dështuar, ndërsa tashmë bëhen gati moshat deri në 16 vjeç për në Krushevac, kurse të rinjtë në Turqi.
Sa për informacion të përgjithshëm, për të rritur, “kampione e Ballkanit” është Rumania për femra dhe Turqia për meshkuj. E në këto kushte, atletika shqiptare ka shumë për të analizuar për pjesëmarrjen e saj në këto veprimtari ndërkombëtare…
Kampionati Ballkanik i Atletikës
(Të Rritur & Të Rritura)
Pitesht – Rumani
Rezultatet teknike të ditës së dytë:
Meshkuj
200 m Mario Shestani vendi i 18-të 22”71
200 m Daniel Guri vendi i 21-të 24”21
800 m Edison Muço vendi i nëntë 1’50”75
800 m Eraldo Qerama vendi i 12-të 1’51”73
Kërcim Trehapësh Durjan Idrizaj vendi i 11-të 13.86 m
Kërcim Trehapësh Suad Bashku vendi i 12-të 13.52 m
Hedhje disku Admir Dizdari vendi i 15-të 38.44 m
Hedhje disku Klaudio Selamaj vendi i 16-të 34.32 m
Hedhje shtize Agim Lushaj vendi i shtatë 49.87 m
Hedhje shtize Juri Hoxhalli vendi i tetë 47.53 m
4×400 m Shqipëria A vendi i tetë 3’17”30
Si ekip: Shqipëria, vendi i 15-të, 8 pikë
Femra:
Kërcim Së gjati Joana Hazizllari vendi i 15-të 5.34 m
Kërcim Së gjati Naze Thomai vendi i 18-të 4.46 m
Si ekip: Shqipëria, vendi i 14-të, 3 pikë
