Që në ditën e parë të Kampionatit Ballkanik të Të Rriturve, që është duke u zhvilluar në Pitesht të Rumanisë, Shqipëria e atletikës ka vërtetuar se nuk ka asgjë për të thënë në këtë garë.
Që në ditën e parë shumë pak rezultate mbresëlënëse, apo pranë zonës së medaljeve. Që do të thotë se pa Luiza Gegën dhe Smajlajn, po pse jo dhe të tjerë emra të spikatur të rekordeve, kjo Shqipëri e ka të vështirë t’i afrohet zonës së medaljeve.
Një vend i 6-të në stafetën 4×100 metra për femra, apo dhe dy vende të 7-ta për meshkuj, një në stafetën 4×100 metra dhe një në 5000 metra nga Enea Gjini kanë qenë shumë pak për të premtuar.
Dhe e njëjta situatë duket se do të jetë dhe në ditën e dytë, ndërsa kështu shkon dhe një tjetër veprimtari ndërkombëtare “bosh” për atletikën shqiptare.
Kampionatit Ballkanik i Atletikës
Të Rritur & Të Rritura
Pitesht – Rumani
Rezultatet teknike të ditës së parë:
Meshkuj
Kërcim Së Gjati Ergys Gjeçaj (vendi i nëntë) 6.94 m
400 m Edmond Murataj (vendi i 11-të) 49”33
400 m Marko Makaj (vendi i 15-të) 51”53
100 m Mario Shestani (vendi i 21-të) 11”31
100 m Aldi Hoxha (vendi i 26-të) 11”67
400 m/p Daniel Limani (vendi i 12-të) 57”75
400 m/p Krenar Myrteza (vendi i 13-të) 57”78
Hedhje gjyle Adriatik Hoxha (vendi i 14-të) 15.48 m
1500 m Malvin Nikolla (vendi i 10-të) 4’05”97
1500 m Genci Lugja (vendi i 12-të) 4’14”34
5000 m Enea Gjini (vendi i shtatë) 16’15”78
4×100 m Shqipëria A (vendi i shtatë) 44”28
Femra
100 m Eneda Deliu (vendi i 15-të) 12”81
100 m Elmedina Oruçi (vendi i 17-të) 14”72
Trehapësh Naze Thomai eliminuar
Trehapësh Elmedina Oruçi eliminuar
4×100 m Shqipëria A (vendi i gjashtë) 54”05
