ASNN – “Falah” në arabisht do të thotë, “ai që aspiron për të arritur qëllimin”. Organizatorët e Kampionatit Botëror të Atletikës kanë zbuluar maskotin e tyre zyrtar në Ditën Kombëtare të Sporteve të Katarit përpara botërorit të 2019 që do të zhvillohet në Doha në shtator. Organizatorët e botërorit të atletikës kanë zgjedhur një mënyrë të veçantë për të prezantuar maskotin.

Fëmijë të moshave të ndryshme kanë sjellë pjesë të maskotit dhe i kanë vendosur në një ekran të madh. Më në fund misteri është zbuluar, maskoti është shfaqur i plotë dhe fëmijët kanë bërë një foto me të. Maskoti është quajtur Falah. Shjegimin e kësaj fjale e jep Sheikha Asma al-Thani, anëtare e Komiteti Olimpik të Katarit: ““Falah” në arabisht do të thotë “ai që aspiron, ose ajo që aspiron të arrijë më së miri në gjithçka që bën”.

“Pra, maskoti ynë përfaqëson vlerat dhe atë që duam të arrijmë me këtë kampionat, atë çfarë sportistët tanë po përpiqen të arrijnë, medaljet e tyre të arta, të argjendta, të bronzta, – ka vijuar ajo. – Çfarëdo që ata duan të vendosin si qëllim, “Falahu: është lloji i frymëzimit për t’ia arritur”. Katari do të testojë veten me kampionatin aziatik të futbollit në prill fillimisht për të parë edhe aftësinë e pritjes së mijëra sportistëve dhe vizitorëve.