Atletika shqiptare, dje në veprimtarinë e saj të parë për vitin 2015, edhe pse në kushte të këqija atmosferike, ka shpallur kampionët e dimrit. Sigurisht që ka qenë një garë kombëtare me shumë masivitet, por që nuk ka pasur dy më të mirët e mbretëreshës, Luiza Gegën dhe Izmir Smajlajn.

Nëse Gega do të jetë si në Kampionatin Ballkanik të Sallave të Mbyllura, i cili zhvillohet në Stamboll më 21 shkurt, ashtu dhe në Kampionatin Evropian të Sallave të Mbyllura në Pragë, Smajlaj do të vijojë të përgatitet në Kinë. Në pjesën më të madhe të garave kanë dominuar atletët e Tiranës dhe Vllaznisë, apo dhe të Skënderbeut e Teutës.

E në fund Gledis Hallunaj dhe Marija Stillo kanë qenë më të mirët e kampionatit kombëtar individual dimëror. Garat kanë qenë të qeta, por vrapimi 1500 metra për meshkuj dhe për femra ka qenë shkak për një debat mes sportistëve. Sharka e Tiranës ka pretenduar tek gjyqtaria se Makaj i Teutës, janë të dy fitues të kësaj gare, e ka shtyrë dhe e ka nxjerrë jashtë piste.

Reklamimi në sytë e gjyqtarëve, teksa është kërkuar dhe kryegjyqtari i garave Filip Nito, ka bërë që veprimi i Makajt më pas të kalojë dhe në analizë në Komitetin Drejtues. Megjithatë atleti i Teutës ka kërkuar falje, sepse është bërë padashje, ndonëse ka pasur dhe tentativa për tensionim në pistë.

Por ndërhyrjet e trajnerëve të të dy ekipeve, apo dhe e prindërve të atletes, ka sqaruar gjithçka.

Kampionati Individual

Dimëror i Atletikës

Rezultatet teknike:

Meshkuj

60 m/p                        Ravio Rama (Tirana)           8”90

Kërcim 3-hapësh     Gledis Hallunaj (Vllaznia)  14.71 m

Hedhje gjyle              Adriatik Hoxha (Teuta)        15.74 m

60 m                           Mario Shestani (Vllaznia)   7”32

Kërcim së gjati          Gledis Hallunaj (Vllaznia)  7.04 m

800 m                         Malvin Nikolla (Tirana)        2’00”64

3000 m                       Genci Lugja (Tirana)           9’17”67

400 m                         Lulzim Çengeli (Vllaznia)   50”78

1500 m                       Mario Makaj (Teuta)             4’16”52

Sportisti më i mirë: Gledis Hallunaj (Vllaznia) 931 pikë olimpike

Femra

60 m/p                        Sindi Prifti (Dinamo 2010)  10”54

Kërcim 3-hapësh     Dorina Myrto (Teuta)           10.38 m

Hedhje gjyle              Adifete Tola (Teuta)                8.50 m

60 m                           Marija Stillo (Skënderbeu)     7”99

400 m                         Relaksa Deliu (Tirana)        1’02”14

800 m                         Elina Cufe (Tirana)              2’36”94

1500 m                       Klaudia Sharka (Tirana)     6’30”55

Kërcim së gjati          Ana Burda (Skënderbeu)      5.13 m

Sportistja më e mirë: Marija Stillo (Skënderbeu) 899 pikë olimpike