ASNN – Kampionia e Gjermanise, Bajerni i Mynihut, ka zyrtarizuar te marten ardhjen e kilenit Arturo Vidal nga Juventus, per nje kontrate per 4 vjet, me nje vlere prej 35 milion euro, sipas mediave gjermane. Kontratrata perfshin edhe nje vit zgjatje si opsion, saktesoi klubi i Bayern gjate nje konference shtypi ku u prezantua lojtari i ri.
Fitues i Kupes së Amerikës para nje muaji, Vidal do te perforcoje repartin e mesfushes bavareze pas largimit te kampionit gjerman te botes, Bastian Shvajnstajger, ne Angli tek Mançester Junajtid. “Shpresoj qe me Bayern te arrij kete sezon gjithçka qe nuk munda te arrij sezonin e kaluar me Juventusin”, theksoi Vidali.
Ai iu referua titullit te kampionit te Italise, Kupes se Italise dhe finales se Liges se Kampioneve te humbur nga Juventusi perballe Barcelones. Kiliani rikthehet keshtu ne Bundesligën gjermane, ku ai ka luajtur me pare per 4 sezone (2007-2011) me Bajer Leverkusenin.
