Fitore me 32 pikë diferencë për djemtë e Afrim Bilalit. Mosditja e përdorimit të tabelës elektronike, por dhe luhatjet e tensionit kthehen në “gangrenë” për ndeshjen. Ndëshkohen me teknikë Çaçi e Ferra. Ardhmëria Basket ka gjetur kryesimin në nivelin e dytë të Kampionatit Kombëtar të Basketbollit për Meshkuj, që njihet si Kategoria e Parë, teksa mbrëmë ka fituar me një diferencë prej 32 pikësh me Tirana Eagles.

Ka qenë një ndeshje e ekuilibruar deri në përfundim të dy pjesëve të para e më pas, me një “presing” në të gjithë fushën, Ardhmëria e Afrim Bilalit arrin të bëjë diferencën në fushën e lojës. Fakti është që në dy pjesët e para është Merkaj ai që mban përpara skuadrën e Afrim Bilalit me trepikëshat e tij, sikurse Kujtim Çaçi, me dy trepikësha, arrin ta afrojë Tirana Eagles. 17-11 është pjesa e parë.

Por në të njëjtën kohë, e dyta bëhet edhe më interesante, sepse Ardhmëria e ka fituar me vetëm dy pikë diferencë atë, 15-13, dhe në pushim 32-24. E gjithë pamja e lojës ndryshon në dy pjesët e tjera. E gjithë skuadra zbaton me përpikëri detyrat e dhëna nga trajneri i saj, Bilali, ndërsa e mban ekipin e homologut Dedaj të mbërthyer në zonën e vet.

Detyrohet kundërshtari që të luajë me topin e gjatë, por asnjëherë nuk gjen adresën e duhur. Kosh pas koshi, Brari dhe Ferra bëhen pikëshënuesit më të mirë të skuadrës, pa thënë këtu edhe Qehajaj, Rakaj, Fjolla, Çelmeta, Latifi etj. Dhe në përfundim, me dy pjesë të dyta të fituara me diferencë pikësh, 24-12 dhe 23-11, Ardhmëria Basket arrin ta mbyllë ndeshje me një fitore prej 32 pikësh diferencë, 79-47.

Ardhmëria Basket – Eagles                        79-47

(17-11, 15-13, 24-12, 23-11)

Ardhmëria Basket: Shahini, Fjolla (5), Merkaj (16), Brari (18), Hoxha / Beliu (2), Qehajaj (8), Rakaj (4), Ferra (18), Çelmeta (3), Latifi (5), Seferi. Trajner: A. Bilali

Tirana Eagles: Prodani (6), Zelaj (4), Skëndaj, Çaçi (6), Gorellari (8) / Adili (8), Tufa (2), Kala (4), Dashi (7), Bilbili, Nallbani (2). Trajner: K. Dedaj

Gjyqtarë: G. Hoxha (Tiranë), M. Kasëmi (Vlorë)

Kampionati Kombëtar

i Basketbollit – Meshkuj

Kategoria e Parë

Java e 12-të

(5-6 mars 2016)

Të shtunën:

Superiori – Skënderbeu                             70-59

Elbasani                                                        pushim

Të dielën:

Ardhmëria Basket – Tirana Eagles           79-47

Renditja

Nr.       Skuadra                     N.        F.         H.        Psh-Pp           Pikë

1. Ardhmëria Basket      9        8          1          639-422         17
2. Superior                     10        7          3          705-527         17
3. Elbasani                      9        7          2          712-544         16
4. Skënderbeu              10        1          9          524-685         11
5. Tirana Eagles           10        1          9          458-733         11