ASNN – Është mbyllur java e 12-të e Kampionatit Kombëtar të Futbollit për femra, teksa ishin takimet Apolonia-Tirana dhe Vllaznia-Gramshi që ulën siparin e kësaj jave. Apolonia fitoi super sfidën e javës, pasi mundi Tiranën me rezultatin 3-0. Tani fieraket ndodhet në vendin e dytë me 30 pikë, po aq sa Tirana e vendit të 3-të.

Nuk pati të papritur në ndeshjen Vllaznia-Gramshi, me kampionet në fuqi që triumfuan me shifrat e thella 12-0 në takimin e zhvilluar të dielën në Shkodër. Falë kësaj fitoreje, Vllaznia merr vendin e parë dhe kryeson e vetme me 33 pikë. Të shtunën, Partizani mposhti me rezultatin e thellë 24-0 Skënderbeun e Korçës.

Një ndeshje që nuk pati histori dhe u dominua nga vajzat e kuqe. Lushnja mundi me shifrat 2-1 Teutën, një ndeshje mjaft e luftuar nga të dyja ekipet. Tani Lushnja renditet në vendin e 8-të me 6 pikë, duke lënë pas Skënderbeun dhe Teutën. Në takimin tjetër të javës, sfida Laçi-Kinostudio përfundoi në barazim me rezultatin 2-2.

Kampionati Kombëtar

Futbolli – Femra

Java e 12-të:

Partizani – Skënderbeu       24-0

Lushnja – Teuta                      2-1

Laçi – Kinostudio                    2-2

Apolonia – Tirana                   3-0

Vllaznia – Gramshi              12-0