ASNN – Kampionati Kombëtar i Basketbollit për Femra ka luajtur dje dy takimet e fundit të javës së tij të 15-të dhe Apolonia është rikthyer në krye, teksa dje në Durrës ka mundur Tiranën. Diferencat me skuadrën bardheblu të trajnerit Erdal Borova, edhe pse kjo e fundit ka dy malazeze, janë dukur që në fillim. Madje fieraket e Grevës nuk duket se kanë pasur nevojë për përforcimin më të fundit dhe më të bujshëm, amerikanen Aleksis Lov.

Kjo sepse në fushë kanë luajtur basketbollistet që e kanë mbajtur deri tani në krye Apoloninë. 24-15 është pjesa e parë për Apoloninë. Bardheblutë janë përpjekur të ngushtojnë dhe e kanë fituar pjesën e dytë 15-18, dhe në pushim 39-33 për Apoloninë.

Në dy të tjerat nuk ka më tolerime nga fieraket kanë fituar në fund 86-75. Ndërkohë Skënderbeu e ka pasur si ndeshje stërvitore atë me Përmetin, të cilën e ka fituar me rezultatin e thellë 83-45.

Dhe tashmë korçaret e Papës janë në vendin e katërt në renditje. Të premten, Kamza Basket ia ka dalë të jetë fituese ndaj Studentit, në shifrat 44-40, në takimin e parë të javës së 15-të, ndërsa të shtunën, Flamurtari ka bërë mirë “detyrat e shtëpisë”, duke fituar me shifrat 80-55 në Vlorë ndaj Vllaznisë. Për këtë arsye, kampionet në fuqi, që drejtohen nga trajneri Viron Toska, e kanë gdhirë kështu të dielën si kryesuese të renditjes.

Por tashmë vendi i parë i takon Apolonisë, me 26 pikë, po aq sa kanë edhe vlonjatet, ndërsa Tirana ka mbetur prapa, me 22 pikë, në vendin e 3-të të renditjes. Ndryshe nga fieraket dhe kryeqytetaset, vlonjatet kanë luajtur një ndeshje më tepër. Vendi i 4-t mbahet hëpërhë nga Skënderbeu, me 21 pikë, por korçaret ndjejnë nga prapa presionin e Studentit, që ka një pikë më pak, por edhe të Elbasanit, që janë përfshirë në një betejë treshe për biletën e fundit që të çon në “play-off”-in final të titullit.

Kampionati Kombëtar

i Basketbollit – Femra

Java e 15-të

(6-8 mars 2015)

Të premten:

Kamza Basket – Studenti   44-40

Të shtunën:

Flamurtari – Vllaznia           80-55

Të dielën:

Skënderbeu – Përmeti        83-48

Apolonia – Tirana                86-75

Elbasani                                pushim

Renditja

Nr.       Skuadra                     N.        F.         H.        Psh-Pp                       Pikë

1. Apolonia             13        13        0        1137-758                   26
2. Flamurtari             14        12        2        1163-812                   26
3. Tirana             13        9        4        1036-845                   22
4. Skënderbeu             13        8        5        914-878                     21
5. Studenti             14        6        8        851-806                   20
6. Elbasani             13        6        7        874-962                   19
7. Vllaznia             14        3        11        929-1017                 17
8. Kamza Basket 13        3        10        724-847                   16
9. Përmeti             13        0        13        591-1180                   13