ASNN – Apolonia ka arritur të mundë Elbasanin në ndeshjen e fundit të javës së 25-të të Kategorisë Superiore dhe ka ngjallur shpresën e saj, sado të vakët, për mbijetesë. Skuadra fierake ka fituar në fushë të huaj, ose më saktë në Stadiumin “Gjorgji Kyçyku” të Pogradecit me rezultatin e ngushtë 1-0 falë golit të Realdo Filit në minutën e 38-të dhe është barazuar me pikë në fund me Elbasanin.

Djemtë e drejtuar nga trajneri Artan Mërgjyshi kanë arritur sot një fitore të rëndësishme në fushë të huaj përballë Elbasanit dhe tashmë mund të shpresojnë më shumë tek mbijetesa. Miqtë fituan minimalisht me rezultatin 1-0 falë golit të realizuar nga Fili në pjesën e parë të takimit. Loja e mirë që kanë zhvilluar fierakët në javët e fundit më në fund është shpërblyer edhe me 3 pikë të plota duke nisur kështu një seri rezultatesh positive pasi javën e kaluar barazuan 2-2 përballë kryesuesve të Kukësit.

Elbasani tregon se është skuadra më e dobët e momentit duke mos shfrytësuar si duhet mundësinë për t’iu afruar vetëm me 3 pikë zonës së mbijetesës. Ndërkaq, në ndeshjet e javës së 25-të të Kategorisë Superiore të zhvilluara të mërkurën, skuadrat vendase kanë siguruar fitoren. Kështu Partizani ka fituar 2-1 me Flamurtarin, Kukësi ka mundur 5-2 Teutën dhe Laçi ka fituar 1-0 me Vllazninë.

Ndërsa në takimin e mbrëmjes, Skënderbeu ka mundur minimalisht Tiranën në Korçë, duke ruajtur hapin me Kukësin kryesues. Renditjen e Kategorisë Superiore e kryeson Kukësi, me 52 pikë, një më tepër sesa ndjekësja më e afërt, Skënderbeu, ndërsa Tirana dhe Partizani kanë nga 47 pikë, por kanë luajtur nga një ndeshje më pak.

Kategoria Superiore

Java e 25-të

Të mërkurën, 4 mars 2015:

PARTIZANI – FLAMURTARI                                  2-1

Shënues: Rrahmani 57’, Raçiç 78’ / Telushi 21’

Stadiumi “Niko Dovana”, Durrës

KUKËSI – TEUTA                                                     5-2

Shënues: Malota 33’, Pejiç 51’, 84’,

Pit 54’, 68’ / Kastrati 47’ Nika 58’

Stadiumi “Ymer Zeqiri”, Kukës

LAÇI – VLLAZNIA                                                     1-0

Shënues: Veliaj 25’

Stadiumi i Laçit

SKËNDERBEU – TIRANA                                      1-0

Shënues: Shkëmbi 65’(11-m.)

Stadiumi “Skënderbeu”, Korçë

Të enjten, 5 mars 2015:

Elbasani – Apolonia                                                 0-1

Shënues: Fili 38’

Stadiumi “Gjorgji Kyçyku”, Pogradec

Renditja

Nr.       Skuadra                     N.        F.         B.        H.        Gsh-Gp          Pikë

1. Kukësi 25        16        4          5        38-18              52
2. Skënderbeu 25        16        6          4        34-11              51
3. Tirana 24        14        5          5        30-16              47
4. Partizani 24        14        5          5        23-13              47
5. Laçi 24        11        8          5        29-15              41
6. Flamurtari 24        9        7          8        22-16              34
7. Vllaznia 25        9        3          13        22-28              27
8. Teuta 25        6        1          18        23-41              19
9. Elbasani 25        4        1          20        13-43              13
10. Apolonia 25        3        4          18        7-40              13