ASNN – Kampionati Kombëtar i Basketbollit për Femra ka luajtur dje takimet e dyta të gjysmëfinaleve të fazës së tij të “play-off”, që sidoqoftë do të vazhdojë edhe për një ndeshje tjetër, të paktën në çiftin Flamurtari-Tirana.

Kjo sepse, ndërkohë që Apolonia është skuadra e parë që ka arritur të sigurojë një biletë për në finalen e madhe, duke fituar takimin e dytë kundër Skënderbeu me sezultatin 80-76, në duelin tjetër, gjithçka është rikthyer në barazpeshë.

Kjo sepse, në sfidën e luajtur në Sallën Sportive “Fahrie Hoti”, Flamurtari ka fituar në fushë të huaj përballë Tiranës duke barazuar në 1- 1 serinë e ndeshjeve. Gjysmëfinalja e tretë do të luhet më datë 11 prill në Vlorë nga do të mësohet edhe skuadra tjetër finaliste.

Kampionati Kombëtar

i Basketbollit – Femra

Kalendari i “Play-Off”-it

Gjysmëfinalet

Ndeshjet e para

(4 prill 2015)

Apolonia – Skënderbeu      90-50              (1-0)

Flamurtari – Tirana               74-80              (0-1)

Ndeshjet e dyta

(8 prill 2015)

Skënderbeu – Apolonia      76-80              (2-0)

Tirana – Flamurtari               65-71              (1-1)

Ndeshjet e treta*

(11 prill 2015)

Flamurtari – Tirana               (11:00)

* Nëse do të ishte e nevojshme.