ASNN – Albpetroli i Patosit, i cili do të jetë në grupin e Veriut të Kategorisë së Dytë, ndeshjen e parë të sezonit, të dielën në ora 16:00 në “Alush Noga”, do ta luajë me Skraparin.

Mirëpo, përtej të gjitha përgatitjeve që ka bërë skuadra me në krye trajnerin Llazar Dushit, tifozëve u dhembin ende largimet e lojtarëve të sezonit të kaluar, një pjesë e mirë e të cilëve janë bërë pjesë e Luzit 2008.

Sipas tyre, nëpërmjet akuzave që vijnë nga faqja e facebookut KF Albpetrol, shefat e klubit janë ata që kanë shkatërruar skuadrën.

“Ndaj dhe janë larguar Hatia, Kapo, Asllanaj dhe Bratja, 4 lojtarë të cilët po t’i kishim sot do ta kishim më të lehtë ngjitjen në Kategorinë e Parë”, thonë tifozët që gjithsesi presin një paraqitje më të mirë të Albpetrolit këtë sezon.

Ndonëse më parë është që objektivat janë minimale, thjesht sa për të respektuar kampionatin.