ASNN – Përpara se grupi i njohur muzikor “Run-DMC” të shfaqej kudo me “adidas SUPERSTAR”, atletja ikonike u dizenjua për një motiv shumë specifik: të sillte revolucion në botën e atleteve të basketbollit. Askush nuk e kishte menduar, se shumë shpejt, silueta e saj do të kthehej në ikonë të veshjeve sportive dhe zemrat e të gjithëve. Slogani i adidas SUPERSTAR: We’ve got a feeling for winning (Ne kemi ndjesinë për të fituar).
SUPERSTAR u krijua në vitin 1969 dhe njihej ndryshe si “the shelltoe”, emër i fituar nga pjesa e përparme e atletes e cila kishte formën e një guaske. Në fakt, pjesa e përparme u inspirua nga topi i baskebollit dhe ngjan pikërisht si një i tillë. Pse konsiderohet një revolucion? Në kohën e lançimit të modelit, lëkura në pjesën e sipërme dhe “guaska” në pjesën e përparme, ishin plotësisht të paimagjinuara më herët në një atlete dhe shumë shpejt kapën vëmendjen e basketbollistëve profesionistë, veçanërisht ikonën e asaj kohe, Karim Abdul Xhabar.
Ai ishte basketbollisti i parë i cili nënshkroi një kontratë me “adidas”-in. Aftësitë dhe manovrat e tij të pakrahasueshme kishin nevojë për një atlete që t’i përgjigjej këtij niveli, dhe kush më mirë se “SUPERSTAR” mund t’ia mundësonte atë. Ndërkohë që industria e veshjeve sportive po avanconte, “adidas SUPERSTAR” vazhdoi të mbizotëronte në treg. Në mënyrë shumë natyrale, nga fushat e basketbollit, “SUPERSTAR” pushtoi rrugët e qytetit dhe zemrat e të gjithë artistëve kudo në botë.
Në vitet 80’, grupi i njohur i hip-hopit, Run-DMC, zgjodhi të përdorte “adidas SUPERSTAR” nëpër koncerte duke i veshur ato pa lidhëse. Adhurimi i grupit për “SUPERSTAR” u bë aq i dukshëm saqë ata madje shkruajtën një këngë për to, të titulluar “My adidas”. Që atëherë, ishte fillimi i një prej bashkëpunimeve më të suksesshme dhe njëkohësisht të papritura në modë. Kjo ishte hera e parë që një markë sportive kishte përdorur muzikën për të promovuar produktin e tyre.
“SUPERSTAR”, që nga ajo kohë ka ardhur në forma dhe dizajne të ndryshme. Modeli është bërë pjesë e modës së përditshme të të rinjve dhe tani vishet rregullisht si atlete “lifestyle”.
