ASNN – “adidas Samba” është një ikonë e atleteve, që përkufizojnë plotësisht elegancën e një veshje “street style” dhe kanë një vend të padiskutueshëm në kulturën urbane. Të frymëzuara nga futbolli e të lançuara në dekadën e viteve 1950’, këto atlete janë kthyer në një simbol të stilit të përjetshëm.

Dizajni klasik i “adidas Samba”, me pjesën e sipërme lëkurë kombinuar me kamosh, majën spikatëse me përforcim, shollën prej gome dhe rripat anësorë i ka rezistuar kohës duke fituar admirues, si në sport, ashtu edhe në modë. Silueta e gjithanshme e tyre i ka kthyer në një element thelbësor të garderobës së çdo adhuruesi të atleteve.

Mund të kombinohen me xhinse, streçe, pantallona dhe në çdo rast do t’i japin një prekje të sofistikuar dhe outfitit më minimalist. Në 2024, “adidas Samba” nuk e ka humbur aspak lavdinë e saj dhe vazhdon të tërheqë vëmendjen e të famshmëve, dizenjatorëve dhe adhuruesve të “street style” njëlloj.

Si në versionet klasike ashtu edhe në versionet e veçanta më ekskluzive, “Samba” është zgjedhja e preferuar e atyre që kërkojnë një atlete ku kombinohet stili retro me atë bashkëkohor. Që nga lançimi më i fundit i “adidas Samba” të personalizuara për futbollistin Lionel Mesi deri në bashkëpunime me dizenjatorë të famshëm, këto atlete vazhdojnë të zgjojnë entuziazmin e ndjekësve të modës urbane dhe sportive.

“adidas Samba” është jo vetëm një ikonë stili, por përfaqëson gjithashtu evoluimin e vazhdueshëm të këpucëve sportive dhe aftësinë e tyre për të kapërcyer kufijtë dhe gjeneratat. Trashëgimia e saj i reziston kohës duke mbajtur vendin si një referencë i padiskutueshme në botën e atleteve urbane.